أول مرة أركب خيل! 🐎 تعلمت ركوب الخيل من الصفر!

أخيرًا جربت ركوب الخيل لأول مرة 🐎🤎 بهالفيديو أخذتكم ويانه من أول ما وصلنا للمكان، شفنا الخيول عن قرب وتعرفنا عليهم، وشوفنا شلون يتم الاهتمام بيهم وتحضيرهم وتجهيزهم قبل الركوب. وبعدين إجه دوري 😅 المدرب علّمني كلشي من البداية: شلون أركب، شلون تكون جلستي صح، طريقة مسك اللجام، وضعية إيدي ورجلي، شلون أحافظ على توازني، وشلون أتحكم بالحصان وأفهم حركاته وإشاراته. وبصراحة اكتشفت إن ركوب الخيل مو مجرد إنك تصعد على الحصان وتمشي… أكو تفاصيل وتواصل بينك وبين الحصان لازم تتعلمه حتى ترتاحون ويا بعض. وطبعًا مو بس آني جربت 😂 حيدر هم ركب الخيل وكانت إله تجربته، وبعده سيف هم دخل بالتجربة، وكل واحد من عدنا كانت ردة فعله مختلفة. كملنا يومنا ويه الخيول والطبيعة، وصورنا لقطات كلش حلوة وقت الغروب 🌅، وبنهاية اليوم قعدنا يم النار 🔥 بعد يوم طويل وتجربة بصراحة كانت مختلفة وحلوة كلش. هذا الفيديو مو بس عن أول مرة أركب بيها خيل، أخذتكم ويانه بكل تفاصيل اليوم من البداية للنهاية 🤎 شوفوا الفيديو للآخر واكتبولي بالتعليقات: إنتو جربتوا ركوب الخيل قبل؟ وإذا لا، ممكن تجربوه؟ 🐎 📸 تابعونا على الإنستغرام: ✨ Rusul 📍 @Rusulalnadir 🎥 Saif 📍 @Saifwaleedd ✈️ Haider 📍 @Haideralnadir 📩 للتعاون والإعلانات: Rusulalnadir@gmail.com #ركوب_الخيل #الخيل #خيول #تجربتي_الأولى #تجربة_ركوب_الخيل #تعلم_ركوب_الخيل #فروسية #مغامرات #فلوق #فلوقات #HorseRiding #HorseRidingExperience #Horses #Equestrian #FirstTimeHorseRiding #HorseRidingVlog #Vlog #Adventure