#TF【#錦田家姐阮政峰帶路！一日錦田人體驗+破解大西北迷思 】錦田人飯堂 | 區外人都讚 超濃雞白湯米線｜勇闖港版 日系鐵路天橋秘境 | 錦田到處都係羊？？｜地膽先識去 復古唱K深宵食堂

正！式！宣！佈！TalkFood家姐系列重啟啦！🔥 重啟第一集遠征大西北，踏足小編從來冇去過嘅地方——錦田。 今次邀請到「錦田家姐」阮政峰帶路遊錦田，仲做埋柴可夫司機，深入錦田秘境、錦田人深夜食堂搵食～睇完呢集絕對推翻你對錦田嘅印象！ 第一站嚟到錦田街坊人氣飯堂——雙囍冰室，作為熟客之一嘅政峰，開工前必定去食早午餐，嘢食有水準，仲有得免費泊車，係錦田人嘅幸福！！推介蛋白質滿滿嘅太陽蛋免治肉醬飯，同埋區外人必食嘅油封鴨腿雞白湯米線！最估唔到嘅係，西多士先係MVP！！花生醬味超濃！超肥仔！必食！！老闆娘仲係大E人，同街坊好熟落，嗌咩食都記得，真係人情味滿瀉～ 食飽之後出發打卡，沿住壁畫村行去周末勁熱鬧嘅紅磚屋，平日嘅紅磚屋基本上冇舖頭開，漆黑一片，不過都可以去呢間燈火通明嘅元祖蠟燭小店～🕯️老闆由70年代、前身仲係蠟燭廠時代，已經開業！！經歷改建同時代變遷，仍然留守錦田，出售各款靚靚蠟燭，大家記得支持吓！ 係錦田市中心熱完身，政峰變身司機，一齊去尋找錦田日系秘境！講緊嘅係港鐵八鄉維修車廠🚇……對出兩條天橋影相！！(入唔到去㗎！) 佢話呢度啱晒emo散心嘅好地方🤫網上好多人都話，由天橋望落去一整排鐵路軌，加埋停晒响度嘅火車，幾有日本鐵路feel～小編忍唔住向政峰發出影相挑戰！睇吓邊個影到日系唯美靚相，面對政峰呢個專業攝影師，小編到底有冇勝算？觀眾快啲留言話我哋知邊個影得好啲📸 最後一站，政峰帶嚟到錦田出名嘅深夜食堂「味屋」，外賣店格局，即炒嘢食超多，單係餐牌嚇親人，最神奇嘅係，落完柯打，就可以去旁邊嘅「醉河卡啦OK酒廊」坐底等食🤔！！！呢間好有年代feel嘅卡拉OK，周不時見街坊一路唱K一路食宵夜？！到底呢兩間餐廳咩關係？ 跟住錦田家姐政峰，體驗完一日錦田人生活，學識咗2個字？咩人先啱住錦田呢？即刻去片啦！🎬 *特別鳴謝錦田家姐——阮政峰 📍雙囍冰室 地址：錦田錦田公路456號地下（錦田郵局後） 油封鴨腿雞白湯米線 $58 太陽蛋免治肉醬飯 $58 花生醬西多士 $30 📍味屋 地址：元朗錦田公路109號錦田戲院大廈地下E號舖 麻辣豬頸肉炒烏冬 $63 和風豬軟骨飯 $68 撰文、主持：Sherry Lai 攝影：Angel Wong、Franky Cheung 剪接：Angel Wong 美術：Anita Lam TalkFood 先填飽肚子再前進 YouTube :    / @talkfood   Facebook : facebook.com/talkfood Instagram : instagram.com/talkfood 延伸閱讀： 【#吃好吃】拆解港式奶茶「香滑」真相！知唔知你每日飲緊咩？| 全脂淡奶係使用濃縮新鮮牛奶製造！ | 奶茶掛杯全靠天然濃厚乳脂 | 青山道60年最正奶茶 師傅：全脂淡奶同靚茶最夾！！！| #雙語字幕    • 【#吃好吃】拆解港式奶茶「香滑」真相！知唔知你每日飲緊咩？| 全脂淡奶係使用濃縮新鮮...   #TF 九龍城一日遊｜地膽帶路食泰國菜｜最新打卡位｜驚見泰國畫家神秘畫牆！| #雙語字幕    • #TF 九龍城一日遊｜地膽帶路食泰國菜｜最新打卡位｜驚見泰國畫家神秘畫牆！| #雙語字幕   #TF 米芝蓮船麵幕後供應商 | 九龍城元祖泰國雜貨店 | 區外客跨區幫襯 | 三代傳承 搬舖再出發 | 老闆 ：離唔開九龍城 ！ 可能係機遇，市道好，都唔夠膽搬 ！| #雙語字幕    • #TF 米芝蓮船麵幕後供應商 | 九龍城元祖泰國雜貨店 | 區外客跨區幫襯 | 三代...   -------------------------------------------------------------------------------- 0:00 遠征錦田 1:37 街坊人氣飯堂 5:08 紅磚屋元祖蠟燭小店 6:53 日系鐵路秘境 9:20 錦田深夜食堂