Գուտերեշը՝ Ադրբեջանում պահվող հայ գերիների, COP-ի կազմակերպման մեջ հնարավոր կոռուպցիայի մասին

Ես խաղաղության համաձայնագրի մեծ աջակից եմ, Հայաստանում COP17-ին նվիրված ասուլիսում հայտարարեց ՄԱԿ–ի գլխավոր քարտուղար Անտոնիու Գուտերեշը: «Հուսով եմ, որ խաղաղության համաձայնագրում արձանագրված կետերը շուտով կիրականացվեն ու այդ իրականացումը կարագանա: Հուսով եմ իրապես, որ արագ առաջընթաց կլինի, որպեսզի հասցնեք ավարտի խաղաղության համաձայնագիրն ու այդ ընթացիկ խնդիրները կարգավորվեն», - հայ-ադրբեջանական հարաբերությունների կարգավորման մասին հարցին ի պատասխան ասաց Գուտերեշը: Հարցին, թե ինչո՞ւ ՄԱԿ-ը մեծ ճնշում չի գործադրում Ադրբեջանի նախագահի նկատմամբ՝ ազատ արձակելու հայ գերիներին, ՄԱԿ–ի գլխավոր քարտուղարը պատասխանեց. «Բոլոր կողմերին կոչ ենք անում հնարավորինս արագ իրագործել խաղաղության համաձայնագրի բոլոր դրույթները, որը նաև բնականաբար ներառում է կալանավորված անձանց»։ Ադրբեջանական բանտերում այժմ 19 հայ գերի է պահվում, նրանք դատապարտվել են 15 տարուց մինչև ցմահ ազատազրկման։ Մարդու իրավունքների կոպիտ խախտումներով հայտնի Ադրբեջանում դատավարությունն անցնում է փակ՝ միջազգային դիտորդների ու լրատվամիջոցների բացակայությամբ: Մեր ուղիղ հեռարձակումները դիտեք այստեղ՝ http://tv.azatutyun.am #ազատություն #լուրեր 🔶 Facebook – http://bit.ly/3cauM2T 🔶 Youtube – http://bit.ly/2UNf47I 🔶 Instagram – http://bit.ly/3c3eiJt 🔶 Twitter – http://bit.ly/2yF0OW1 🔶 Telegram – http://bit.ly/2yzVAL8