أحمد الناصر و رشيد الزلامي ... الزلامي هالسنه غير النيه بنيه

أحمدالناصرالشايع و رشيد بن زيد الزلامي في رماح (المزيرع) 29/12/1416هـ. أحمد: الزلامي هالسنه غير النيّه بنيّه ودِّي أدري ويش غيّرك ياوَلْد الزلامي كن ودّه في محرّم يذكّي له ضحيّه والضحيّه في محرّم على المسلم حرامي رشيد: ذمّتي من كل شيٍ تقولونه بريّه مير أبصبر وأدخل البيت مع باب السلامي بدلةٍ ماهيب لي لا تفصّلها عليّه ثم تصيبك رميةٍ طايشه من غير رامي أحمد: مسرجٍ للحرب بنت الكحيله والعبـيّه تحسب إن الحرب والمعركه برد وسلامي أنت ما تخطي ولكن تنوِّي بالخطيّه ميسمك بالنار من غيبة الأشفاق حامي رشيد: ياجماعة خير لا تسمعون الهرج فيّه أحمدالناصر يسولف مع الناس النيامي أعتزي به وأحسب إنه يناطح له سريّه وأثر أبومرّه على ذبحتي جوعان ظامي أحمد: كذبة الشاعر ليا جت كبر هضبة طميّه ما نخص بها الزلامي ولا بعض الأسامي أنصحك لله ولكن تبا تزعل عليّه وإن دخلت السوق شفت العراقي والتهامي رشيد: لك ضلوع معدّله من زمانك ومحنيّه مار في وقت الغضب ما يريّعك الخطامي وانت لو راجعت نفسك وعالجت القضيّه ما تسبّب مشكله بين قحطاني ويامي أحمد: فيه خلقٍ ميّته موت وإلا خلق حيّه مار ما هم من خوالي ولا هم من عمامي الجهاله تورد العبد لحياض المنيّه مار خذ زامك وأنا آخذ مع العربان زامي رشيد: من يهمّك حالهم ضمّهم فالتابعيّه واترك الموتى عسى من توفّى للرحامي والله إنك طارش الموت مندوب المنيّه جعل يوم أرحمك بعدين ما ترحم عظامي