糖妹簽新公司獲贈金鎖匙 與糖兄依舊合作搞音樂

糖妹簽新公司獲贈金鎖匙 與糖兄依舊合作搞音樂 糖妹黃山怡呢日出席新經理人公司簽約儀式，獲老闆送贈金鎖匙代表佢係公司嘅靈魂人物，令糖妹非常開心，而糖妹之後嘅工作大計相當多元化，仲會觸及藝術範疇。 糖妹讚老闆喺工作上畀咗佢好多自由度，佢透露今次同日本新晉插畫家小栗英訓合作，crossover咗一個全新糖妹公仔，糖妹續說：「佢有自己嘅故事同figure，仲有周邊產品，另外我都會繼續做音樂，搵咗Paul哥哥出山寫首歌畀我，係我嚟緊專輯嘅其中一首歌，之後我會到內地開音樂會，準備同Lo哥哥林曉峰一齊開一個音樂會。」 糖妹自從喺《聲生不息》擔任嘉賓，人氣大增，一連串音樂計劃等緊佢，主要喺香港、內地及東南亞四圍走，佢會做多啲廣東歌，希望去唔同地方，跟當地藝人或者藝術家合作。問到佢幾時再同糖兄合作，佢笑指二人一直合作緊，而《魔都女行》片中嗰首歌都係糖兄做，依然喺幕後合作多，糖妹都想有啲劇可以搵糖兄嘅後期製作公司幫手做音樂。 #糖妹 #糖兄 #黃山怡 #小栗英訓 #魔都女行 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0