„საკუთარ სახლში პატიმარივით ვარ, ღია აივანს მიქოლავენ“ - მოქალაქე

„საკუთარ სახლში პატიმარივით ვარ. აივანზე, რომელზეც ვსუნთქავდი და ვცხოვრობდი, ფაქტობრივად ვეღარ გავდივარ, რადგან 20 კაცი ჩემს ფანჯრებში იყურება, ისე ახლოს აშენებენ კორპუსს. ღია აივანს მიქოლავენ, კედელი უნდა ამომიშენონ. ტერორში ვარ, რადგან სახლში არყოფნის დროს, აივანზე მიმაგრებული რკინაც კი ჩამომიჭრეს“-ამბობს ნანა ქათამაძე „ბათუმელებთან“, რომელიც ბათუმში, კაჩინსკების ქუჩაზე ცხოვრობს. მათი კორპუსის გვერდით ახალ მშენებლობას აპროტესტებს ნინო ნადირაძეც. მისი თქმით, ახალმა კორპუსმა ისე დააბნელა ეზო, რომ სახლში დღისითაც კი შუქი აქვთ ანთებული. „დაანგრიეთ ახლავე, სანამ მშენებლობაა“- მიმართავს ის მერიას.