{الأسبوع ف كيس}(288) دموع المباليح

السيسي الاسبوع ده اعترف اعتراف خطير ..ودي تقريباً أول مرة هذا الحمل الوديع ذو القلب الابيض النقي..بنفس نقاء قلب البلحاية الزغلول الكبيرة دي .. أنه يقول على نفسه أنه ممكن يغلط أو يقصر في حاجة زي باقي الكائنات الحية..السيسي يا جماعة اعترف أنه مقصر في التواصل مع أسرته وصحابه الانتيخ بسبب وظيفته..وبصرف النظر عن طبيعة وظيفته اللي مخلياه معندوش وقت يود عيلته وصحابه..والمعاناة اليومية اللي واخدة كل وقته ..سواء الخطف أو القتل أو اعتقال الناس ورميهم في السجن ..أو التفكير في صبة جديدة في مصلحة المواطن..أو أنه مش لاقي يا كبدي وقت يعيش حياته الاجتماعية..من كتر الاحتفالات والمواكب الفرعونية وماراثون العجل في شرم والعلمين..ده غير المؤتمرات اللي من خلالها بيقفش في الحديدة يهبد بالساعات ويحكيلنا مغامراته في الادغال.. إلا أني من موقعي هذا بانصحك ياريس نصيحة لوجه الله..كله يهون ياريس الا صلة الرحم..احنا مستعدين نتألم ونتعذب في غيابك عننا ..لكن ميخلصناش ابدا نحرمك من عيلتك وصحابك.. ارجع لهم ياريس هما اولى بيك ..احنا مش هنبني سعادتنا على حساب سعادة غيرنا ابدا..يا اخي ملعونة الرياسة اللي تفرق الناس عن بعضها كده … للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / ghasilmokh   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ