ពុទ្ធសាសនាជាមួយនឹងវិទ្យាសាស្រ្ត | សកលចិន្ដា (ភាគទី១១)

ស្ដាប់សៀវភៅទាំងមូល    • សកលចិន្ដា (Universal Thinking)   ពុទ្ធសាសនាជាមួយនឹងវិទ្យាសាស្ត្រ «ព្រះពុទ្ធសាសនាមានគោលការណ៍ និងកម្មវិធីបង្ហាត់បង្រៀនមួយអន្លើនិងពាក្យឱវាទជាវិទ្យាសាស្ត្រ តាំងពីមុនវិជ្ជាវិទ្យាសាស្ត្ររបស់ពិភពលោក នៅមិនទាន់កើតបានជាដុំកំភួននៅឡើយ» ក្នុងរោហិតស្សសូត្រនៃសុត្តន្តបិដក មានព្រះពុទ្ធតម្រាថា «យើងបញ្ញត្តិលោក (ធ្វើឲ្យមនុស្សទូទៅស្គាល់លោក) ហេតុឲ្យកើតលោក ភាពរលត់នៃលោក និងសេចក្តីប្រតិបត្តិឲ្យដល់ភាពរលត់នៃលោក នៅក្នុងរូបកាយមានទំហំប្រមាណមួយហត្ថ មានសញ្ញា មានចិត្តវិញ្ញាណគ្រងរក្សានេះឯង»។ ចំណុចនៃពុទ្ធភាសិតនេះមានន័យថា ព្រះសម្មាសម្ពុទ្ធ ព្រះអង្គសម្តែងធម៌បញ្ញត្តិវិន័យបញ្ចូលក្នុងខ្លួនមនុស្ស ដែលមានរូបទំហំមួយហត្ថ (វាស់ទទឹង) មានចិត្តសញ្ញា និងនាមធម៌នានាអាស្រ័យនៅខាងក្នុង។ ព្រមគ្នានេះ ព្រះអង្គបំព្រួញពិភពលោកទាំងមូលឲ្យមកនៅក្នុងរាងកាយ និងចិត្តវិញ្ញាណ សូម្បីហេតុឲ្យកើតលោក ភាពរលត់លោក និងការអនុវត្ត ឬការប្រព្រឹត្តប្រតិបត្តិធម៌ឲ្យដល់នូវភាពរម្លត់លោក ក៏បំព្រួញមកនៅត្រឹមកាយ និងចិត្ត ដូចដែលមានចែងក្នុងអភិធម្មថា ចិត្តចេតសិករូបនិព្វាន។ ចិត្តបូកនឹងចេតសិក លទ្ធផលនៅត្រឹម ១ រូបបូកនឹងនិព្វាន លទ្ធផលនៅត្រឹម ១។ ជាសេចក្តីសរុបបណ្តោះអាសន្ន ក្របខ័ណ្ឌនៃពុទ្ធសាសនា ទោះណាជាមានគំនោលធម្មៈវិចិត្រពិស្តារ ទូលំទូលាយយ៉ាងដូចម្តេច ក៏ចំណុចអនុវត្ត ឬប្រតិបត្តិ នៅត្រឹមតែកាយនិងចិត្តប៉ុណ្ណោះ។ សូម្បីតែឧត្តមគតិខ្ពង់ខ្ពស់បំផុត ក៏នៅត្រឹមតែទង្វើ ធ្វើយ៉ាងណាឲ្យរួចផុតចាករាងកាយចិត្តវិញ្ញាណ មិនត្រូវឲ្យធ្លាក់ចុះ នៅក្នុងភាពវិលវល់តទៅទៀត។ កាលរឿងផ្តើមកើតមានមុនដំបូងបង្អស់ នឹងផ្តើមរលត់សោះសូន្យចុងក្រោយបំផុត វានៅលើរូបកាយ និងចិត្តវិញ្ញាណ មួយអន្លើនិងទង្វើដែលធ្វើឲ្យកើត ដើម្បីរម្លត់កាយចិត្តបុណ្យបាប ។ល។ ដូចនេះ យើងត្រូវធ្វើសេចក្តីសង្កេត និងការកត់សម្គាល់ថា គោលការណ៍ ៣ ប្រការរបស់ពុទ្ធសាសនាគឺ : ១- វៀរចាកទង្វើអាក្រក់គ្រប់យ៉ាង ២- ធ្វើទង្វើល្អគ្រប់បែប ៣- ជម្រះចិត្តឲ្យស្អាតបរិសុទ្ធ។ ទាំង ៣ ប្រការនេះ ជាធាតុនៅក្នុងក្របខ័ណ្ឌនៃព្រំដែនកាយនិងចិត្ត ដូចពោលមកហើយ។ ដកស្រង់ចេញពីសៀវភៅ #សកលចិន្តា ដោយភិក្ខុធម្មបាល ខៀវ ជុំ (៦ កញ្ញា ១៩៧២) អានដោយ: EKH (មីនា ២០២៥) 00:00:00 | ការស្គាល់រឿងពុទ្ធសាសនា 00:52:25 | ដំណឹងវិទ្យាសាស្ត្រ ទាញយកសៀវភៅអាន https://t.me/audiobookkh សូមអរគុណសម្រាប់ការតាមដានសណ្ដាប់តាំងពីដើមរហូតដល់ចប់ និងសូមខន្តីអភ័យទោសចំពោះរាល់កំហុសឆ្គងនានាដែលកើតឡើងដោយប្រការណាមួយក្នុងការផលិតវីដេអូនេះឡើង។ សូមអរគុណបងជាអនេកប្បការ!!! Thanks for watching! ស្ដាប់សៀវភៅផ្សេងទៀត៖    • សៀវភៅជាសំឡេងពេញ (Full Audio Books)