BİRİNCİ QARABAĞ savaşının gizlinləri: ƏMRİ və PULU indiki deputat gətirdi - Sabir Şabanov

#şamaxı #qarabağ Budəfəki həmsöhbətimiz Şamaxının Göylər kəndindən ən yüksək post tutmuş, istefada olan polkovnik, 1992-ci ilin aprel ayından 1997-ci ilin sonuna kimi Azərbaycan Respublikası Daxili İşlər Nazirliyi Daxili Qoşunlarının Ağdam rayonunda yerləşən hərbi hissəsinin komandiri, Daxili Qoşunlar Komandanının silah və texnika üzrə müavini vəzifələrində xidmət etmiş Sabir Şabanovdur. 1992-ci ilin qaynar, mürəkkəb və qarışıq dövründə Ukraynadakı tabor (batalyon) komandiri vəzifəsindən çıxıb, Azərbaycana Qarabağda döyüşməyə gələn Sabir Şabanovun maraqlı, ziddiyyətli, fikrimizcə, onu alnıaçıq edən həyat və döyüş yolu var. MÜSAHİBƏDƏN bəzi çıxarışlar: Mərhum qardaşım Xeyrulla yazırdı ki, hərbi məktəb bitirmisən, niyə orda oturmusan? Gəl Azərbaycana. İlk dəfə çağırışçı əsgərləri müharibəyə hazırladıq, 1992-ci ilin iyul ayında hərbi hissə ilə döyüş bölgəsinə ezam olunduq. Bütün hərbi qüvvələri birləşdirib Ön cəbhə qəragahı yaradıldı, mən ora rəis təyin olundum. Nahaq deyirlər ki, Fəhmin Hacıyev zəif fiqur idi. 44 günlük müharibə dünyada indiyəqədərki bütün hərbi biliklərin üstündən xətt çəkdi. Rusiya kimi dövlət dron əlində aciz qalıb. Bu sualı verəndə əsəbləşirəm... Birinci Qarabağ müharibəsini HƏRBÇİLƏR UDUZMADI... Qarabağı doğulduğum Göylər kəndindən yaxşı tanıyıram. Ağdərədə Qlobus deyilən yerədək olan 60 kilometri iki-üç aya getmişdik, iki günə geri qayıtdıq. Mənə "Bozqurd" ləqəbəni rəsmən veriblər. Pulu Aqil Abbas gətirdi, ona dedim ki... Polkovnik rütbəsini vaxtından əvvəl aldım. Əmr verdilər ki, Gəncəyə hücum elə... "Səhvim" o oldu ki, yoxlamanın nəticələrini yuxarılara göndərmədim. Horadiz əməliyyatı uğurla başa çatanda Murtuz Ələsgərovdan bir xahiş etdim... Kəndə qayıtdım, çünki... Sizi müsahibəni izləməyə dəvət edirik.