Samoerai - Levensweg

Beat by Samoerai, Recorded & Mixed by Samoerai @ Boeshido Artwork by Oh Snap Grfx Lyrics: soms ziek ant stoaren no de sterren en ist bika nie te vatten oedak ik in stoat zien voe met gieder te kunnen klappn oe da wieder et vermogen en de dieptes of te tasten ik kun men eurenlange verliezen in die gedachten Ik moen me focussen up dadde da men andacht vraagt En et wonderlijke int leven is vaak iets alledaags Et meeste bijzoendere verschuilt em in de simpelheid We zoeknt vaak te verre, en speeln azo et dichte kwiet Soms is gewenning et vergif dat us blind makt Azo verliezen vele zaken under impact We goan vorbie ant et gezochte Wringn uszelvn in bochten mo bereiken zelden iets dat us vanbinnen rakt Tevele bezig met zaken die gin belang dragen we missnt antwoord up ieder van us hamvragen De uplossingn verschienen in uze gezichtsveld Mo niemand die ze ziet ot je je der nie up instelt De lippen van de wijsheid sluiten oj nie lustert Tis nie de grote klokke, tis de stemme die flustert Dat je ku begeleiden no woar geluk en no verwondering Mo we beseffen vaak nie van zaken da ze bijzoender zien Of toch nie vo da ze plotseling verloren zien We zien ant zoeken sinds de dag da we geboren zien Mo we beseffen nie da tgene da we zoeken Nie te vien is in boeken mor in momenten dien us topebringn Olle geluk daj nodig et ku je vanbinnen treffn Mo tis mor owt deeln dat us werkelijk begint treffen Dus zoek ek niemi want ik ent ol heel me leven Kleernt zien voe wa dat is en wat dat werkelijk betekent Ik zien zelve de creator van me leven in stoat voe me verleden te verloaten in et heden deur zowoar te concentreren up et nu en et moment woarin dak zitten in plekke van up loatere bezigheden Ik zien zelve de creator van me leven in stoat voe me verleden te verloaten in et heden deur zowoar te concentreren up et nu en et moment woarin dak zitten in plekke van up loatere bezigheden Tis nu, dakik de kanse kriegn voe te leven Tis nu, dak werekriegen wa dak en gegeven Tis nu, dak tied en voe te doen wa dakik weten Tis nu, nie ergens in de toekomst of verleden Tis nu, dakik de kanse kriegn voe te leven Tis nu, dak werekriegen wa dak en gegeven Tis nu, dak tied en voe te doen wa dakik weten Tis nu, nie ergens in de toekomst of verleden Us leven flits vorbie, an 400 per eure Gin 1 van us die wit oelange dat de rit goa deuren Dus elk moment is goud werd, elke seconde Is een ofslag, weg ut de destructieve rotonde Die je levensweg blokkeert, en zorgt daj nie vorutgrakt Tgeschenk des leven is mor echt e zegen oj em voe jezelvn utpakt Dus bluf nie zitten bie de pakken goat de rit an deur te stappen lik of dat et ol nie utmakt een ander ze verwachting is vaker da nie geprojecteerd van ut de vrees da wieder nie dat zien wa da we zoen willn dan andern peizn mo zie wien daj ziet zoender ossan over d’ander te peizn we leggen under oordeel up us eigen, geevnt kracht tbeeld dat iemand van us et is vaak et twa daj gie makt mo zieder zie nie zoveel bezig met joen, da moe je weten want lik gie zien zieder ook et centrum in under leven dus stopt met tied te investeren in gegevens die olene bestoan omda we der energie in steken das energie daj zelf ku gebruiken voe te floreren dus gift et niemi weg zoender e geldige reden ik zien zelve de creator van me leven, zeg et ik zien zelve de creator van me leven, zeg et lik dajt meent, en focust upt nu, up et heden stik je energie niemir in de toekomst of et verleden wan et verleedn is onvervanderboar de toekomst is mo zelden onderhandelboar et volgt ut keuzes die zie gemakt, dus makt je keuze zo goj tbeste up de toekomst voorbereiden, e heuse onderneming da wit ek mo’t resultoat is et werd de vereiste, is daj de resultoaten anveird en dankboar ziet voe wa daj et, ziet et niemir als vanzelfsprekend das de sleutel toet ontplooiing en woarlijk geluk creëeren Ik zien zelve de creator van me leven in stoat voe me verleden te verloaten in et heden deur zowoar te concentreren up et nu en et moment woarin dak zitten in plekke van up loatere bezigheden Ik zien zelve de creator van me leven in stoat voe me verleden te verloaten in et heden deur zowoar te concentreren up et nu en et moment woarin dak zitten in plekke van up loatere bezigheden ABCeremonie 2 VOLG ME OP SPOTIFY: https://open.spotify.com/artist/2acTi... DOWNLOADS VIA PHATMARK BANDCAMP: https://phatmarkcollective.bandcamp.com/ SAMOERAI BANDCAMP: https://samoerai.bandcamp.com/ Ps. Ej genoten van de video, ejt gevoel dat er waarde in me muziek zit da gedeeld mag worde; dropt e like, shared e comment, da helpt me channel groeien en zo kan me muziek bij meer mensen terecht komn. Dikke merci alvast! We zien 1 Ossan Nog steeds.