美心月餅滯銷要劈價？大班執笠只係開始，下一個頂唔順嘅係邊個？｜關你港事研究所

$180。二手平台上面，有人放緊一張美心雙黃白蓮蓉月餅券。原價$429。信用卡優惠價，$278。佢叫$180。券面寫住，9月23號到期。呢幾日，「大陸月餅銷量跌咗四成五」上晒新聞，網上唔少節目都照講。但係我翻查返，同一個四成五，連埋同一段8月14到9月13嘅日子，今年又再出現。第三年喇。 美心喺內地，一盒雙黃白蓮蓉由$318人民幣減到$238，仲上咗熱搜。咁香港嗰個六折呢？推廣條款寫住嘅開始日期，係7月21號。再睇埋成個大陸月餅市場，今年總數唔跌，仲升緊。但係$1000人民幣以上嘅禮盒，銷量跌咗七成六。咁冇人要嘅，究竟係啲餅，定係另一樣嘢？ 大家以為，月餅冇人食。其實冇人再肯埋單嘅，係月餅盒入面嗰份面子。所以今集最想問嘅，唔係今年跌咗幾多，係呢筆面子錢，明年仲有冇人畀？冇人畀嘅話，第一個頂唔順嘅，又會係邊個？ ⏱️章節傳送門 00:00 美心月餅滯銷要劈價？ 01:17 一張美心月餅券，點解會跌穿官價？ 02:14 美心六折，係咪即係滯銷？ 03:41 「大陸月餅跌四成五」，究竟係邊一年嘅數？ 05:47 跌緊嘅唔係月餅，咁係咩？ 07:49 2022年公告，改咗月餅市場咩規矩？ 08:49 經銷商點解寧願蝕都要清貨？ 09:51 美心自己點講？ 12:10 大班點解撐唔到今年？ 13:50 月餅券，點樣令餅廠未出貨先收錢？ #關你港事研究所 #中秋節 #月餅 #美心 #大班 #世界新聞研究所