Ак-Ордо: Шектүү кылмышты мойнуна алды

Эки адамдын өлүмүнө шектелген 19 жаштагы И.С. аттуу жарандын көрсөтмөсү жарыяланды. Ички иштер министрлиги тараткан видеодон шектүү кылмышка аны эмне түрткөнүн айтып, эки адамды кантип өлтүргөнүн жеринде көрсөтүп берген. Кылмышты кайталап көрсөтүп бергени видеого жазылып, далил катары ишке тиркелген. Ички иштер министрлиги 3-октябрга караган түнү Бишкектеги Ак-Ордо-3 жаңы конушунун Ынтымак көчөсүндө жайгашкан үйлөрдүн биринде эки адам киши колдуу болгонун кабарлаган. Үй ээсинин жубайы үч баласы менен качып чыкканга үлгүргөн. Ал эми бычакталып, өлтүрүлгөн экинчи адам анын бир тууган эжеси экени маалымдалды.