Sinasamba Ka Dakilang Aba YHWH

Verse 1 'Di man ginto ang alay ng aming mga kamay, Kundi pusong sa Iyo lamang sasalalay. Higit sa hiyas ang Iyong kabanalan, Higit sa anumang kayamanan. Parang insensong pumailanlang, Papuri'y umaakyat sa Iyong luklukan. Pre-Chorus Kapag ang bukang-liwayway ay kagyat nang sumilang, Buong kalakasang Ika'y aawitan. At bago pa man lumimlim ang huling liwanag, Ikaw pa rin ang kakanyahang ipapahayag. Chorus Sinasamba Ka Dakilang Alahayah, Pinapapurihan Ka ng aming diwa. Mula sa pagsikat hanggang paglubog ng araw, Ang Iyong pangalan ang aming itatanghal. Mula sa umaga kami'y mag-aalay, Hanggang sa gabi bago humimlay. Verse 2 Kung ang dagat man ay maging salamin ng ginto, At mga bundok ay maging hiyas na punong-puno. 'Di pa rin sapat ang lahat ng kinang nito, Sa ningning ng kaluwalhatian Mo. Ikaw ang putong' na aming pag-asa't galak Kaya't aming awit ay sa'yo lamang ilalagak. Bridge Tulad ng apoy sa halarang di namamatay, Panatilihin Mo ang alab ng aming pagsinta. Chorus Sinasamba Ka, Dakilang Alahayah, Pinapapupurihan Ka ng aming diwa. Mula sa pagsikat hanggang paglubog ng araw, Ang Iyong pangalan ay aming itatanghal. Mula sa umaga kami'y mag-aalay, Hanggang sa gabi bago humimlay. Final Chorus Sinasamba Ka, Dakilang Aba Yahawah, Papupurihan Ka ng aking diwa. Mula sa pagsikat hanggang sa paglubog ng araw, Ang Iyong pangalan ang siyang aking tanglaw. Mula sa umaga sa Iyo'y mag-aalay, Hanggang sa gabi bago humimlay. Aba Yahawah Walang katumbas ang iyong pag-ibig, Walang pagsidlan ang galak tuwing ika'y makakaniig.