តារាចម្រៀងជាប់ជ័យលាភីលេខ១ អ្នកនាង សួន សារឿន ធ្លាក់ខ្លួនធ្វើសំណង់ដូរបាយហូប

តារាចម្រៀងជាប់ជ័យលាភីលេខ១ អ្នកនាង សួន សារឿន ធ្លាក់ខ្លួនធ្វើសំណង់ដូរបាយហូប កាលពីទស្សវត្សរ៍៩០ បងប្អូនធ្លាប់ល្បីឈ្មោះ តារាចម្រៀងថ្មីមួយដួង ដែលមានសំឡេងស្រដៀង ទៅនិងតារាចម្រៀងជើងចាស់ លោកស្រី សូ សារឿន គឺអ្នកនាង សួន សារឿន ដែលជាតារាប្រលងចម្រៀងជាប់ជ័យលាភី១ នៅស្ថានីយ៍ទូរទស្សន៍អប្សរា កាលពីឆ្នាំ១៩៩៧។ ក្រោយពីបានប្រលងជាប់ជ័យលាភីលេខ១ អ្នកនាង បានមានឈ្មោះបោះសម្លេង និងមានប្រជាប្រិយភាពយ៉ាងខ្លាំង ដោយមានរោងសាល និងភោជនីយដ្ឋានជាច្រើន បានហៅអ្នកនាងទៅច្រៀងប្រចាំ កាលពីសម័យនោះ។ ប៉ុន្តែអកុសល មកដល់សម័យនេះ រោងសាលជាច្រើននៅក្នុងប្រទេសកម្ពុជាយើង ត្រូវបានបិទអស់ទៅហើយ ដែលធ្វើអោយរូបអ្នកនាង សួន សាវឿន គ្មានកន្លែងសម្រាប់ច្រៀងតទៅទៀត។ ដូច្នេះ អ្នកនាងក៏បានវិលត្រលប់ទៅរស់នៅឯស្រុកកំណើត នៅឯខេត្តស្វាយរៀងវិញ មកដល់សព្វថ្ងៃនេះ អ្នកនាង សួន សាវឿន មានជីវិភាពខ្វះខាតយ៉ាងខ្លាំង ពេលខ្លះ អ្នកនាង ក៏បានទៅធ្វើជាកម្មករសំណង់ ដោយបើកប្រាក់ប្រចាំថ្ងៃ ដូរបាយមួយពេលៗដើម្បីរស់។ ដូចនេះសូមបងប្អូន តាមដានទស្សនានៅវីឌីអូ បទសម្ភាសន៍ រវាងតារាជើងចាស់ លោកស្រី ច័ន្ទ តារាទី ជាមួយ អ្នកនាង សួន សាវឿន ទំាងស្រុងដូចតទៅ៖