တို့လည်းလုပ်နိုင်တဲ့ ဒေါင်းလူငယ်တွေ - BBC News မြန်မာ

"တကယ်တမ်းတော့ ကလေးတွေအားလုံးက ပြုစုပျိုးထောင်ပြီးတော့ ကိုယ်တွေရဲ့ ပံ့ပိုးမှုကောင်းရင်ကောင်းသလိုပဲ၊ ဒီကလေးတွေ ကြီးပြင်းတိုးတက်ပါတယ်လို့ ပြောချင်ပါတယ်" ဒေါ်ကြည်ကြည်ဝင်း။ မတ်လ ၂၁ ရက်နေ့ကို ကမ္ဘာ့ဒေါင်းဆင်ဒရုန်းနေ့ (World Down Syndrome Day) အဖြစ် ကုလသမဂ္ဂက ၂၀၂၁ ခုနှစ်မှာ တရားဝင်သတ်မှတ်ပေးခဲ့ပါတယ်။ "ဒေါင်း" ဆိုတဲ့ ဆရာဝန်ကြီးတွေ့ရှိခဲ့တဲ့ လက္ခဏာစုဖြစ်လို့ ဒေါင်းဆင်ဒရုန်း (down syndrome) လို့ခေါ်တာပါ။ ရန်ကုန်မြို့မှာ ဒေါင်းလူငယ်တွေဖွဲ့စည်းထားတဲ့ "တို့လည်း လုပ်နိုင်တယ် - Yes, We Can" ဆိုတဲ့ အဖွဲ့လေးရှိပါတယ်။ သူတို့ဟာ ဟိုတယ်က စားသောက်ဆိုင်မှာ စနေနေ့တိုင်း အလှည့်ကျ စားပွဲထိုးနဲ့ ဧည့်ကြို ဝန်ဆောင်မှုတွေပေးနေပါတယ်။ ရလာတဲ့ လုပ်အားခတွေကို သူတို့ဘာတွေလုပ်ကြလဲ။ သူတို့ ရင်ထဲမှာ ဘာတွေပြောချင်နေလဲ။ သူတို့ကို ပြုစုပျိုးထောင်ပေးနေတဲ့ မိဘတွေရဲ့ ရင်တွင်းစကားသံတွေနဲ့ သူတို့လေးတွေအကြောင်း အပြည့်အစုံကိုတော့ "လူထဲကလူ အတူတူ" အစီအစဥ်မှာ ဆက်လက်ကြည့်ရှုနိုင်ပါတယ်။ #ဘီဘီစီမြန်မာပိုင်း