HANGGANG SAAN AABOT ANG ₱97 MO?

Kinuwestiyon ng ekonomistang si Cora Guidote ang inilabas na datos ng Philippine Statistics Authority (PSA) na nagsasabing hindi na maituturing na mahirap ang isang tao kung umaabot sa ₱97 kada araw ang kaniyang konsumo. Ayon kay Guidote, hindi niya maunawaan kung paano hindi nakikita ng PSA na hindi sapat ang ₱97 na pang-araw-araw na budget, gayong sa bigas pa lamang, pamasahe at iba pang pangunahing gastusin ay kapos na ito.