PR Horta-PM Xanana Preokupa ho Fenómena EL Niño no Risku Ahi-Suar Iha Timor-Leste

DILI, 12 Outubru 2026— Prezidente Repúblika (PR), José Ramos-Horta, no Primeiru-Ministru (PM), Kay Rala Xanana Gusmão, manifesta preokupasaun kona-bá fenómena El Niño no impaktu potensiál ne’ebé bele kauza iha Timor-Leste, liuliu kona-bá menus udan, bee-moos no risku bá ambiente. Preokupasaun ne’e PM Xanana hato'o hafoin enkontru semanál ho PR Horta, iha Palásiu Prezidensiál Nicolau Lobato, Bairru Pité, Dili, segunda (12/10). PM Xanana esplika katak PR Horta husu Governu atu prepara an no tau atensaun bá impaktu fenómena El Niño, ne’ebé bele hamosu problema klimátiku, inklui menus udan no risku bá disponibilidade bee iha nasaun.