《以卡會友》EP02｜丹尼爾爆F1卡初體驗！體育有咩價值？評述點進化？1/1致敬邊位傳奇？｜F1 Topps Chrome 2026｜Soul總｜AVOcardo

《以卡會友》EP02，Soul總邀請丹尼爾陳恩能一齊爆 F1 運動卡，拆 2026 Topps Chrome Formula 1！由平時旁述車手喺賽道上爭勝，到今次親手抽出佢哋嘅卡，丹尼爾第一次爆 F1 卡，會有幾多新手運？今次 Box Battle，又邊個笑到最後？ 再次多謝丹尼爾接受我邀請，一齊爆卡。今次能夠喺倫敦坐低，慢慢傾體育、傾評述、傾卡背後嘅故事，對我嚟講係好難得嘅機會。我哋由日頭傾到太陽落山，畫面都睇得出天色慢慢變暗，但話題同笑聲一直冇停。好開心可以將呢段對話，同埋一齊玩卡嘅樂趣，分享畀大家。 Join Soul總 and Hong Kong sports commentator Daniel Chan for his first F1 sports card box break, featuring 2026 Topps Chrome Formula 1. Between packs, we explore the value of sport, the craft of commentary, and the memories behind his dream One of One card. 爆卡只係我哋傾偈嘅開始。由 F1 車手嘅故事，傾到體育可以為人帶嚟啲乜；由「評」同「述」嘅分別，傾到一位評述員點樣累積觀察、理解同經驗，令觀眾睇到畫面以外更多嘅嘢。丹尼爾喺《會八十》訪問分享過嘅觀念，原來連我做爆卡節目都用得着。 拆卡途中，有車迷先明嘅笑位、有見到卡面就忍唔住嘅評論，亦有我哋自己都未即刻意識到有幾難中嘅驚喜。作為白禮頓球迷，丹尼爾收到球隊嘅卡，又會有咩反應？ 節目最後，我問丹尼爾：如果有一張全世界獨一無二、專登為佢而設嘅運動卡，佢會想留住邊位運動員、邊一刻？ 佢嘅答案，由一位偉大運動員講起，講到一段親身經歷，亦講到一個人點樣為自己人生嘅一個 chapter 畫上句號。呢段對話，值得慢慢聽到最後。 ────────── 主持：Soul總   / soul.by.sport     / avocardo.cc   嘉賓：丹尼爾 陳恩能   / mrdan91   下一集《以卡會友》，你想我請邊個嘉賓？留言話畀我知。 如果係你，你張 One of One 又會想留住邊個人、邊一刻？ ────────── 影片章節 00:00 開場｜丹尼爾 F1 卡初體驗 01:00 由英國生活傾到運動與卡 06:55 AI 時代，體育有咩價值？ 09:42 由《會八十》傾到「評」同「述」 12:30 鍾意一隊波，會唔會想儲佢嘅卡？ 19:04 Box Battle 規則與揀盒 19:46 開始爆卡｜丹尼爾有冇新手運？ 28:56 法拉利 Duo｜慢慢發現張卡嘅樂趣 46:35 爆出驚喜｜究竟有幾難中？ 1:00:54 另一張驚喜｜連自己都未察覺 1:06:44 Box Battle 勝負揭曉 1:07:10 送上白禮頓球員卡 1:09:57 最後一問｜1/1 致敬邊位傳奇？ 1:19:55 以卡會友，好高興認識到你 ────────── Music for Intro & Outro: 'Golden Age' by Walz on #Uppbeat https://uppbeat.io/c/walz License code: YCIYRTGMCHF1J015 #以卡會友 #陳恩能 #丹尼爾 #F1 #運動卡 #ToppsChrome #AVOcardo