مربى الكباد او الترنج على اصولو شكل ولون وطعم خراااافي🍋🍋

من اطيب المربايات شكل ولووون وطعم مربى الكباد او الترنج👌🍋 ويللي مابيعرفوه هو شي بيشبه الليمون بالشكل والطعم بس سميك وحجمو اكبر ويللي مو متوفر ببلدو ممكن بستبدلو بالليمون الكبير الحجم والسميك🍋🍋🍋 رح نبشر الكباد وننضف شكلو من برا ونقصو بالنص ونعصرو ونشيل البذور وبعدين منغلي ماء ومنطب الكباد منغليه حوالي 10 دقايق ومنشيلو فورا على ماء مثلج ومنضل منغير عليه مي لحتى يحلى ممكن ١٠ ساعات او ممكن يومين حسب نوع الكباد وبس يحلى منعصر الكباد منيح ومنجهز القطر لكل كيلو كباد ٨٠٠غ ماء ١كغ سكر وانا ضفت ملعقة من برش الكباد للتطعيم بس يغلي القطر منضيف الكباد ومنغليه على نار وسط ٢٥ دقيقة ومنحاول تضل قطع الكباد مغمورة بالقطر والتحريك من حين لاخر وهلا منطفي النار ومنتركو بالقطر اقل شي ١٠ ساعات ومنرجع منصفي الكباد ومنغلي القطر وبعد الغليان منضيف الكباد ومنعاود الغلي ٢٥ دقيقة ممكن يستوي من تاني مرة وممكن يحتاج كمان مرة بنفس الطريقة تاني يوم وبس نشوف انو البياض بالوسط اختفى والمربى صار شفاف منضيف حوالي ١ ملعقة ونصف كبار من عصير الكباد او الليمون للقطر ومنحرك ومنطفي ومنتركو لتاني يوم رح تشوفو القطر سمك شوي والمربى صار لامع ولونو بياخد العقل وقوامو متل الراحة😍☺️👌 دوقوه واستمتعو بالكعم الغراااام☺️😉 يحفظ مغمور بالقطر وعند التقديم يصفى ويقطع حسي الرغبة ممكن اضافة فستق حلبي او جوز الهند المبروش🥥 صحة والف هنا☺️ واذا عجبتكن الوصفة لاتنسو المشاركة واللايك وتركولي رايكن او اي استفسار عندكن بالكومنت😍👇 #ترنج #مربى_ترنج_منزلي #citron #jam #cook #recipe #مربی #كباد #وصفة #ليمون #dessert #chefbana #yummy ضيافة#ضيافة #تحلاية