راية لوا مدح روق🔥& كلمات زايد بن صنداح | اداء فيصل المداريه .

ياقوم أنا استاذن ولا عاد عندي وَهس على سوالفكم اللي شكلها مطوّله سوالفً من غثاها جفن عيني نعس من كثرة الضحك حتى كثرة الاسأله ماهوب انا اللي لا عمّ الليل الاسود جلس وأشوف جلسه على الفاضي كذا مهزله فالساعه الي بها الموتِر بدعوه همس أوترت ثم قمت اكمّل مابديت اوّله طرقٍ جرسه الموسيقي يطرب عن اي جرس مهو سهل لو بعضكم قام يستسهله طرقٍ ما دام اني أرفع رايته ما انتكس راية لوا مدح " روق " وروق لي تزهله ومادام شب لـ مديح الاد روق القبَس الشعر حنّا هله .. والمدح حنّا هله افاخر ف مدحي لـ ربعي وعندي هوس في مدح روقيٍ الله جاعل المدح له رفيقٍ ان شان وجه الوقت ولا عبس يلقى القبول الحقيقي كل من قابله خراصي مْن أطيب ثياب ونعم قد لبس الله في فعله وفي قوله مجمّله ماهوب مصلاح ذروه ياجماعه وبس في شفّ ذروه وشف ونعم والمرجله ذخر علي يوم مقباس الحمايا قبس له موقفٍ نعرفه والله ما نجهله الطيّب الي فعوله ماقربها الدنس على النقا والتقا مواقف مجمّله على طريق ونعم ما خالف ولا عكس مزبان من جاه يبغى حل لـ المشكله حلقه من المرحبا وتكرارها مايبس في مجلسه دايماً .. والليله بـ محفله ترحيبةٍ من سمعها طار عنه العمس يفخر بها كل حرف من فمه ينقله فعلك يابن علي جمّل ربعك ولا أنطمس الأسم يامثقله .. والفعل يامثقله واللي ليا مر لك بالطيب ذكر استحس ياويله ووالله ليبطي مع الولوله أبوك قبلك على روس الحيايا دعس عودٍ يقدّيه عقله .. و إيده مصملَه على ( علي واجب الخرّاصي ) أصبح ومَس يالنعم والزم حروف اسمه ولا تهمله شيخٍ من يعرفه يعرف الرَحب والوَنس له مجلسٍ دايم شيوخ العرب تدهله يفداه من ما ورى معرْفته الا الفلس ويفداه من يعرف الواجب ولا يفعله والله لـ يلقى من يعاديه قطع النفس مايقصر الشر لامن طالت المسأله عاد الخراريص لا لزموا لجام الفرس صار اللجام لـ منيّة من بغو بوصله لهم صحيح المديح الي مهو مقتبس يارد لهم كل مدحٍ صح من منهله