{عيانين بالإبداع}(18) الرجل الحزلقوم

و خلينا نكمل كلامنا عن موضوع فرط الحركة عشان نفهم ليه المشاكل دي و غيرها بتحصل.. و ايه المزايا اللي بتحصل قصادها؟ ايه ده؟.. هو فيه مزايا؟!!.. جديدة دي!.. ماهو ده العجيب.. احنا من البداية متفقين انك هاتلاقي الشئ و نقيضه في الهداهد دايما.. طيب ايه الميزة في موضوع فرط الحركة ده .. الميزة الخطيرة ان الهداهد بيكونوا فراقيع لوز!.. اللي هو ازاي يعني؟.. انت عارف سباقات السرعة لها أنواع.. فيه سباقات طويلة.. اللي هي الماراثون.. و اللي بيفوز فيها مش الأسرع.. ولكن اللي يستحمل يكمل للآخر و يوصل الأول.. و فيه سباقات السرعة القصيرة.. السبرينت.. و دي بتعتمد على السرعة قبل كل شئ.. لاللي بيفوز هو اللي بيعرف يجري أسرع واحد.. أهو الهداهد.. من أحسن عدائين المسافات القصيرة.. حياتهم مقضيينها سبرينتات.. يعني في لحظة تتخيل انه خلاص خسر السبق و مكانه في الصف الأخير و الكل سابقه.. و فجأة من حيث لا تدري. ولا هو نفسه يدري.. تلاقيه سبق الكل بنطة واحدة.. و رجع نام تاني.. بس ده بيحصل بس.. لما يكون الهدهد مهتم انه يسبق في الحتة دي.. بيحب المجال ده.. بيحب الحاجة دي.. ساعتها هايحط عينه ع الهدف و يجري بعزم مافيه.. لغاية ماطلعله حاجة تانية تشتت انتباهه و تنسيه الهدف شوية.. .. .. و طبعا.. فرق كبير بين لما الهدهد يبقى فاهم ايه اللي بيحصل له .. و ليه و ازاي؟.. فيقدر يركز على المزايا و جوانب القوة و يتلافى نقط الضعف.. فرق بين ده.. و بين انه مايبقاش فاهم ايه اللي بيحصل له.. ولا عارف يستفيد من الفرص المتاحة ليه.. للدعم على Patreon :   / ahmedbehiry   اشترك في القناة الرسمية على تليجرام: https://t.me/ABehiry الصفحة الرسمية لاحمد بحيري علي الفيسبوك   / أحمد-بحيري-ahmed-behiry-109415711865636   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ المصادر: أعلم أهل الأرض http://www.قooقle.com