Marrocos en Moto: Tizi n Test (Asni-Taroudant)

Viaxe de fin de semana polo corazón do Atlas, concretamente entre Asni e Taroudant, o sábado 11 e o domingo 12 de marzo. Fomos 6 persoas en coche e moto. Co Toubkal ao lado, empezamos no val de Asni e fixemos a ruta que, pasando por Ouirgane, percorre as Gorges do río N´Fis. Superamos Ijoukak e Talat NÝ´Yaqoub (onde reparamos un pinchazo) e achegámonos á mesquita de Tinmel (pechada por obras de restauración), para ascender ao cabo ata o impresionante paso de Tizi n´Test (Atlas puro e duro), desde onde se divisa a chaira de Taroudant e Agadir. Moitas horas de coche, certo, pero a paisaxe e a amabilidade amazigh ou bereber compensa calquera penalidade.