{الحراق}(45) المنشق The Dissident

يوم واحد أكتوبر ٢٠١٨ مطعم مشويات مشهور في إسطنبول جاله طلب بـ ٣٥ كيلو مشويات مشكلة.. طلب كبير ومفاجئ لكن لأنه واحد من اكبر مطاعم تركيا فهم متعودين عالعزايم و الولايم وحجم الطلب مش هيمنعهم انهم يقدمو احسن خدمة زي عادتهم... خاصة لما شافو اسم الزبون المهم.. الزبون كان السفارة السعودية اللي على بعد شوارع من المطعم... فـفهموا ان غالبًا فيه عشا عمل او احتفالية مهمة وممكن يكون فيه بوفيه مفتوح مثلاً.. لكن الأكيد.... ان الشيف وهو بيحضَّر الطلب مخطرش على باله لحظة ان اللحمة اللي هو بيطبخها دي... مطلوبة عشان يستخدموها في التغطية على ريحة شوي بقايا مواطن سعودي بعد قتله وتقطيعه بالمنشار في قاعة الاجتماعات ... في قلب السفارة... كان نفسي اقولكم اننا النهاردة هنتكلم عن فيلم رعب او خيال علمي او حتي فيلم مبني على احداث واقعية... لكن النهاردة لأول مره في "الحراق" بنتكلم عن فيلم وثائقي... يعني كل حرف هنحكيه حقيقي.... احنا مش هنحكي حدوتة.. احنا هنحكي تاريخ... تاريخ واحدة من أوسخ وأحقر جرايم الغـــدر في تاريخ البشرية من عهد آدم لحد النهاردة... والأكيد ان هيمر وقت طويل جدًا... عشان نشوف جريمة تشبهها...... من سنتين.... صانع الأفلام الأمريكي برايان فوجل Bryan Fogel طلع استلم جايزة الاوسكار عن فيلمه الوثائقي الأول اللي انتجته نتفليكس عن المنشطات في عالم الرياضة. ومن أسبوع واحد طلع برايان وقال.. "انا فيلمي الوثائقي الأول شافه العالم كله لأنه كان موجود على نتفليكس.... وبيؤلمني جدًا ان فيلمي الوثائقي التاني اللي عملته عن عن جريمة اغتيال وتقطيع مواطن بريء في سفارة بلده ... العالم مش هيسمع عنه ...لأن نتفليكس رفضت تعرضه عشان تحافظ على علاقتها بالسعودية" لكن النهاردة احنا هنسمعكم عنه... النهاردة هنتكلم عن الفيلم الوثائقي.... " المنشق "... او زي ما بيقول البوستر بتاع الفيلم... " الاغتيال الذي هز العالم" للمزيد من المعلومات حول الفيلم: https://thedissident.com/ للدعم على Patreon :   / ahmedbehiry   الصفحة الرسمية لاحمد بحيري علي الفيسبوك   / ahmed.behiry.the.page   الصفحة الرسمية علي تويتر   / ahmedbehiry   اشترك في القناة لمتابعة الحلقات الجديدة http://goo.gl/2KheJZ