ياغايبه والضلوع اليوم مقهوره | الوليد ال عامر (2026)

يا غايبة والضلوع اليوم مقهوره والشوق في كل ضلعٍ شيّد أوكاره ليلة فراقك بقت بالروح محفوره وأحيا رماد الجروح وثار جمّاره سلسالك اللي احفظه بانت أثوره باقي معي لو خذاك الوقت واشواره يا وجد حالي على اللي غايبٍ نوره اللي خذى القلب وأقفى بـ آخر أخباره والعين من طاري الهجران معذوره شوقٍ على اللي تبين بـ الحشا داره بين الكويت وقطر والروح ماسوره أشكي جفا الوقت وأسأل وينها دياره عهدي معك ثابتٍ ما يختلف شوره يا كبر حبٍ يصون القلب مقداره زينٍ خيالي وعين الخلق مبهوره تنسى البشر كلها لاجاتك انواره ماودي امن الزمان تضيق من جوره ولا ودي بعمر ماهي داخل اسواره حتى نبرة صوتها بالقلب مسطوره لا سولفت كنها تعزف على أوتاره أحب رسمٍ يصحي الشوق وشعوره وأحب دربٍ يمر القلب بـ أذكاره حبك بصدري وعهد الحب ما أبوره صاين هواها وقلبي حافظ اسراره غابت وما زال عرش الشوق دستوره وما حرك القلب غيره ولا حدٍ زاره شاعر وأسخر جليل الشعر لـ حضوره وأذهل عقول الشعر من قوة أفكاره أوقف جبل والصخور العثر مقدوره لو كان مر الغياب اقسى من اخطاره لا تحسبين الجفا من خاطري شوره هذا حصاد الزمان المر واطواره قلبي من فراقها مرسوم طبشوره كنها تلاعب ف قلبي تارةٍ تاره لاتامن اوضاعك اللي دوم مستوره ولا تامن الوقت لو تضحك لك اسباره واللي بقى للوفا بالشعر له صوره تمت وعين الصبر تبكي على اثاره وإن كان لي في ختام الشعر منشوره أنتي بدايه القصيد واخر اشعاره #الوليد_ال_عامر #بدون_موسيقى #شيلات #خالد_ال_بريك #اكسبلور #جديد #حصري #شعر #شيلة #طرب