Khit Thit Afternoon News | 30 October 2026

Khit Thit သတင်းဌာန၏ အောက်တိုဘာ ၃၀ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ အောက်တိုဘာ ၃၀ ရက် နေ့လယ်ပိုင်း တင်ဆက်ပေးမယ့်သတင်းတွေ ကတော့ အာဆီယံဥက္ကဋ္ဌ ဖိလစ်ပိုင်နိုင်ငံခြားရေးဝန်ကြီးရဲ့ မြန်မာနိုင်ငံခရီးစဉ်ဟာ ဒေါ်အောင်ဆန်းစုကြည်နဲ့ တွေ့ဆုံခွင့်မရဘဲ အဆုံးသတ်သွားပေမယ့် ၊ မြန်မာ့အရေးကို အာဆီယံဘုံသဘောတူညီချက် ၅ ချက်အတိုင်းသာ ဆက်လက်ဆောင်ရွက်နေတယ်လို့ ဖိလစ်ပိုင် ဖိလစ်ပိုင်နိုင်ငံခြားရေးဝန်ကြီးဌာနက ပြောပါတယ်။ ရန်ကုန်မြို့တွင်း ယာဉ်ရပ်နားခကို နိုဝင်ဘာလ ၁ ရက်နေ့နေ့ကစပြီး ၁ နာရီကို ငွေကျပ် ၅၀၀ ကောက်ခံမယ်လို့ စစ်ကောင်စီရဲ့ သတ်မှတ်မှုအတွက် ရန်ကုန်မြို့ခံအများစုက ဝေဖန်ရှုတ်ချနေပါတယ်။ အကြမ်းဖက် စစ်တပ်က ချင်းပြည်နယ် ၊ မင်းတပ်မြို့ပေါ် နဲ့ ဟားခါးမြို့နယ်က စစ်သုံ့ပန်းတွေ ထိန်းသိမ်းထားတဲ့ နေရာကိုပါ လေကြောင်းကနေ ဗုံးကျဲ တိုက်ခိုက်မှုကြောင့် စစ်သုံ့ပန်း ၁၀ ဦး ထက်မနည်းသေဆုံးသွားတယ်လို့ ချင်းဒေသ သတင်းရင်းမြစ်က ရန်ကုန်ခေတ်သစ်ကို ပြောပါတယ်။ အရှေ့အလယ်ပိုင်းမှာ အမေရိကန်ရဲ့ ရေတပ် ပိတ်ဆို့မှုကြားကနေ အီရန်က စစ်ရေးပစ္စည်းတွေ တင်သွင်းနေတယ်လို့ ရိုက်တာသတင်းမှာဖော်ပြလာတဲ့ သတင်းအပါအဝင် နေ့လယ်ခင်းသတင်းတွေကို တင်ဆက်ပေးပါမယ်။