АСА хабар дод ки Азам дар Душанбе мебарояд / Мустафо ба хейтерхо мурочиат кард / Ҷонс оиди Ган - Ҷош

Лигаи ACA бо нашри навор аз муҳорибаҳои Азам Гафоров хабар дод, ки ин чанговари тоҷик рӯзи 30-уми октябр дар Душанбе ба октагон бармегардад. Дар саҳифаи лига чунин навишта шудааст: «Душанбе, шумо интизори муҳорибаи Азам Гафоров дар зодгоҳаш ҳастед? Рӯзи 30-уми октябр ӯ бармегардад. Ба наздикӣ номи рақибашро эълон мекунем». Ҳоло номи рақиби Азам маълум нест. Лига ваъда додааст, ки дар рӯзҳои наздик ин маълумотро нашр мекунад. Азам Гафоров яке аз размкорони шинохтаи Тоҷикистон аст. Ӯ дар муҳорибаи охиринаш рӯзи 8-уми май дар мусобиқаи ACA 203 бо Арен Акопян рақобат кард. Ин муҳориба панҷ раунд давом кард ва Азам бо қарори якдилонаи доварон мағлуб шуд. Азам дар ACA 10 муҳориба гузаронида, 5 пирӯзӣ ва 5 мағлубият дорад. Рекорди умумии ӯ дар муҳорибаҳои касбӣ 16 пирӯзӣ ва 5 мағлубият аст. Шумо Азамро бо ки дар октагон дидан мехохед ? Хатман бар комментария нависед . Александр Валкановски гуфт, ки барои ӯ муҳимтарин чиз дар варзиш на камарбанд ё рекорд, балки оилааш мебошад. Валкановски шарҳ дод, ки дар хона оилааш ӯро интизор аст ва ӯ мехоҳад барои онҳо муваффақ шавад. Ба гуфтаи ӯ, дар бораи мероси варзишӣ ва камарбандҳо зиёд фикр намекунад. Ӯ танҳо мехоҳад пирӯз шавад ва барои оилааш зиндагии хуб фароҳам оварад. Валкановски бовар дорад, ки роҳи беҳтарини расидан ба ин мақсад идома додани пирӯзиҳост. Ҳоло Александр ба муҳорибаи навбатии худ омодагӣ мебинад. Рақиби ӯ размкори мағлубнашуда Мовсар Йевлоев мебошад, ки дар рейтинги вазни то 66 килограмм чои аввалро дорад. Онҳо рӯзи 24-уми октябр дар мусобиқаи UFC 333 дар Абу-Дабии бо ҳам рақобат мекунанд.