Policy 2.0 KN05 | Үр дүнд тулгуурласан засаглал | УИХ-ын гишүүн Г.Лувсанжамц

Улс төр, эдийн засаг, хөгжлийн ойлголт олгож, бодлогын илтгэл бичих арга зүйд суралцах "Policy 2.0" хөтөлбөрийн "Keynote Speaker Series"-ийн зочноор УИХ-ын гишүүн Г.Лувсанжамц оролцлоо. Тэрээр үр дүнд суурилсан засаглалын ойлголт, төрийн бодлого, төлөвлөгөө, төсөв, хэрэгжилт болон хэмжилтийн уялдааны талаар хуваалцсан юм. Мөн Монгол Улсын хот төлөвлөлт, нийтийн үйлчилгээ, дэд бүтцийн асуудлыг үр дүнгээр нь үнэлэх, “20 минутын хот” үзэл баримтлалыг хэрэгжүүлэх хэрэгцээний талаар ярилцлаа. Онцлох дүгнэлт (Highlighted insights): 📌 Зам, сургууль барих нь өөрөө үр дүн биш. Төрийн байгууллага зам барьсан, сургууль ашиглалтад оруулсан эсэхээр бус, үүний үр дүнд түгжрэл буурсан уу, боловсролын хүртээмж сайжирсан уу гэдгээр ажлаа үнэлэх ёстой. 📌 Хэмжиж чадахгүй бол удирдаж чадахгүй. Бодлого, төлөвлөгөө, төсөв бүр тодорхой зорилго, хэмжигдэхүйц шалгуур үзүүлэлттэй байх шаардлагатай. Үр дүнг хэмжихгүйгээр бодлогын хэрэгжилтийг үнэлэх боломжгүй. 📌 Төлөвлөгөө, төсөв, хэрэгжилт уялдаатай байх ёстой. Олон байгууллага тус тусдаа төлөвлөгөө боловсруулж, хоорондоо уялдахгүй байгаа нь төсвийн үр ашиггүй зарцуулалт, шийдэгдээгүй асуудлыг бий болгодог. 📌 Иргэд хэмжигдэхүйц амлалт шаардах хэрэгтэй Улс төрчид “зам барина”, “сургууль барина” гэх ерөнхий амлалтаар хязгаарлахгүй, түгжрэл хэдээр буурах, анги дүүргэлт хэрхэн багасах, нийтийн үйлчилгээний хүртээмж ямар түвшинд хүрэх зэрэг тодорхой үр дүн, шалгуур үзүүлэлттэй амлалт өгөх ёстой. Иргэд ч эдгээр шалгуураар нь сонголтоо хийж, хариуцлага нэхэх хэрэгтэй. #Policy20 #KeynoteSpeakerSeries #Thinkers #ResultsBasedGovernance #UrbanPlanning #PublicPolicy #PolicyReform #20MinuteCity