QƏFLƏT - 1 | ÖLÜM HAQQINDA - ELŞƏN İSMAYILOV (2022)

İnsanın bu dünyada xoşbəxt yaşamasına daha çox mane olan məsələlərdən biri qəflətdir. Allaha tərəf gedən yolda əngəl olan bir sıra amil vardır, amma qəflət birbaşa insanı bu yoldan saxlayan amildir. Ona görə də insan qəflətlə ciddi şəkildə mübarizə aparmalıdır. Qafil insan yaradılış hədəfini, axirəti, əməllərin təsirini, xoşbəxtliyə çatmalı olduğunu unutmuş şəxsdir. Aləmlərin Allahı möminlərdən danışanda iman faktorunu gündəmə gətirir. Buyurur ki, insan qəlbinin (ruhunun) diriliyi imanla bilinir. Qeybə inanmaq imanın mövcud olmasının, qəlb diriliyinin əlamətidir. Hüsuli elm (informasiya) insanı əmələ sövq elətdirmək iqtidarında deyil, buna gücü çatmır, insanı əmələ təhrik edə biləcək güc imandır. İman olmasa insan heç vaxt əməl edə bilməz, insanda heç vaxt mücərrəd aləmə qarşı rəğbət yaranmaz, insanı mücərrəd aləmə tərəf istiqamətləndirən məhz imandır. Bu səbəbdən insan qəlbinin ölməməyi üçün daim çalışmalıdır. Qəflət insanın qəlbini öldürəcək ən mühüm amillərdən biridir. Bütün bu həqiqətləri bildikdən sonra təbii olaraq bir sual yaranır - insan nələrdən qəflətdə olmamalıdır? İnsan yüzlərlə məsələyə diqqət edə bilməz. Lakin ana mövzulara diqqət etməklə həyatını tamamilə qəflətdən çıxara bilər. Sözügedən mövzular Allah, axirət və ölümdür. Din insanlara hər zaman ölümün yadda olması üçün təlqinlər edir. İnsan üçün ölüm realdır, ona görə ölüm anının özündən danışır. Hədislərdə var ki, dəfnlərdə iştirak etməyin böyük savabı var. Dəfn zamanı oxunan təlqinlər diri insanlar üçündür, çünki insan ölən kimi zatən təlqində sadalanan həqiqətlərin hamısından xəbərdar olur. İnsan dəfndə iştirak etməklə qəflətdən oyanır, ən çox təsirə malik qəflətdən oyanma amili məhz ölümdür. Din ölüm məsələsini bizim üçün bu şəkildə aktuallaşdırır və insanı buna rəğbətləndirir, çünki dinin dəfn mərasimlərinə önəm verməsinin məqsədi həm də insanların özlərinin qəflətdən oyanmasından ibarətdir. Bu anın hər bir insana şamil olacağı mesajını verə bilir, insanı müəyyən abu-havaya salır. Dəfnin məhz bu cür yerinə yetirilməsi ibadətdir, çünki bunun insana həddindən artıq xeyri vardır. Dini mətnlərdə qeyd olunub ki: “Ölüm gəlməmişdən əvvəl ölün”. Yəni insan dünyada yaşadığı müddət ərzində ölümü hiss etməlidir. Böyük alim və ariflərin proqramlarının bir hissəsini ölümü zikr etmək, qəbiristanlığa getmək təşkil edirdi. Çünki ölüm dünyanı insanın gözündə olduğu kimi göstərir. Ölüm insanın əl-qolunu soyutmur, əksinə həm dünyaya, həm də axirətə aid məsələlərdə insanı diqqətli və ciddi olmağa sövq edir. Xüsusən cavanlıq illərində insan tez qəflətə düşür, ölüm isə qəflətin qarşısını alır. Ölümü zikr etməyin ən mühüm xüsusiyyətlərindən biri budur ki, ölüm balansı saxlamaq qabiliyyətinə malikdir. 00:00 Giriş 00:19 Qəflət nədir? 05:09 Qəlbin ölməsi və qeybə inam 09:57 İnsan nələrdən qəflətdə olmamalıdır? 12:30 Ölüm 17:47 Ölümdən öncə ölmək Kanala abunə ol: https://bit.ly/elşənismayılov Rəsmi Facebook səhifəsi:   / elshenismayilov.az   Rəsmi Instagram səhifəsi:   / elshen__ismayilov   Rəsmi Telegram səhifəsi: https://t.me/elshenismayilov Rəsmi Tik Tok səhifəsi:   / elshan_ismayilov