حامد زيد قصيدة جيران السعد FULL HD اليوم الوطني السعودي حفل القصيم

قصيدة ( جيران السعد ) روضت للحبر الورق واسرجت للمعنى قصيد واخترت من خير الحروف سمانها وجزالها .. سجيت رجلي مع هبوب الذكريات بكل بيد لـ الساعه اللي ماكتبت اغلى القصيد الا لها .. كني قطعت لحبرها حبل من حبال الوريد ولا رويت اوراق شعري غير من شلالها .. اعيدها وارد وامسحها وارتبها واعيد لين استتبت منزلتها وارتفع منزالها .. ماجبت من خير الكلام الا ( المنقى ) والفريد شاعر وطن وإن (عقبت) غيره شرب فنجالها .. هذا جديدي كان تنشد في قصيدي عن جديد والمنوة اللي ياكبر حظ القصيد ان نالها .. اليوم عيد وشوفتك يامير غير العيد عيد وإلا الشرف بمصافحة كفك هذيك لحالها .. سعادتي لمواجهتك تقصر الدرب البعيد من غاية من يدرك اسباب الشرف يسعالها .. بحضور فيصل يستفيض الشعر ويزين النشيد والكلمة اللي تمدحه ترفع قدر من قالها .. ابو سعود اللي لربعه ذخر وحزام ورصيد تاج القصيم وظلها الضافي ورمز ابطالها .. عتيدها في ساعة الشدة لياعز العتيد للفعل وقفات الزحول وللحمول جمالها .. هو والله اللي مالفعله لا شبيه ولانديد اللي القصيم بكبرها تبني عليه آمالها .. امارتٍ ماتستحق الا هل الراي الرشيد والرجل يملي مركزه والخيل من خيالها .. وان كان ردت للفخر بالنسل والمجد التليد هذا حفيد اللي برك لحمول نجد وشالها .. هذا حفيد سعود نعم الجد واكرم بالحفيد حرٍ يلوق ابه المديح وهيبةٍ يزهالها .. في ارض الملوك اللي يلوذ ابها المعنى والطريد سحابة تسقي ديار المسلمين خيالها .. على كثر مانابها من كف غدر كف كيد على كثر ما احيت شعوب منهكه من مالها .. اليا ابتلت في المعتدي سلت له السيف الحديد وان غربل الفقر محدي سلت (عليه) ريالها .. عاداتهم من يوم سقف البيت من طين وجريد والجود ورثٍ ورثته المملكة لجيالها .. وانا ليامني حضرت اجدد العهد الوطيد للجيرة اللي من سنين مجودين حبالها .. بسم الكويت اللي غلاكم عند اهلها مايبيد لأهل البلاد اللي يظل المسلمين ظلالها .. ماهوب مدح مجاملات الا علي الله شهيد انا نعشق المملكة من جالها لي جالها .. على مواثيق الرفاقه مانبور ولانحيد مهما تحيط ابنا الخطوب ولو تزيد اهوالها .. نثبت ثبات الباسقات اللي لها طلع نضيد لا زاغت ابصار الرجال وزلزلت زلزالها .. اخوان في يوم الرخى واعوان باليوم الشديد وتموت سودان الوجيه بغلها واغلالها .. يستفتحون وخاب منهم كل جبار عنيد وايدٍ تبي تمكر بها توقع بشر اعمالها .. في ظل (سلمان ) الحزم والعزم والراي السديد درع البلاد وسورها العالي وأشم جبالها .. سيف يرفرف في علمها مثل سيف ابن الوليد تقطع به ايدين السفيه اللي يمس رمالها .. الشهم يقنعه الوعد والنذل يردعه الوعيد والجار يحشم والعدا تجزا برجم افعالها .. اليا ادلهمّت واظلمت مالحديد إلا الحديد والمعضلات من الخطوب يحلها حلالها .. يظهر لها عشق الشعوب وشوق تلعة كل جيد صفوة رجال المملكه لافاخرت برجالها .. (محمد) اللي ( للمليك ) حزام وحسام وعضيد تقفي خصومه من معاركها تجر اذيالها .. اليا ارتفع مثل الحرار اللي ليا هدّت تصيد واليا اندفع مثل المزون اليا همل همالها .. يادار جيران السعد ماجاورك غير السعيد ياديرةٍ مهما فعلنا مانرد افضالها .. انتم لكم بقلوبنا نارٍ مشاعرها تقيد عشق تورثه الرجال المنصفة في عيالها .. واليوم عيد المملكه ومواجهك يامير عيد والكلمة اللي تمدحك ترفع قدر من قالها .. مقابلة مثلك فخر يكفيني العمر ويزيد ياهامةٍ من كبر حظي لا وقفت اقبالها .. أما ليا نلت الشرف بمصافحتكم وايد بيد هي والله اللي ما عنيت من الكويت الا لها شعر والقاء / الشاعر حامد زيد #حامد_زيد #اليوم_الوطني_السعودي #اليوم_الوطني #المملكة_العربية_السعودية #الكويت