యూట్యూబ్ లోనే మొట్టమొదటిగా సులభశైలిలో, స్పష్టంగా, అర్థం తో పాటు శ్రీదేవీ నారాయణీయం క్లాసెస్

శ్రుత్వా వధూవాక్యమరం కుమారో హృష్టో భరద్వాజమునిం ప్రణమ్య | ఆపృఛ్య మాత్రా సహ దేవి స త్వాం స్మరన్ రథేనాఽఽప పురం సుబాహోః || ౧౬-౧ || స్వయంవరాహూతమహీభుజాం స సభాం ప్రవిష్టో హతభీర్నిషణ్ణః | కన్యా కలా పూర్ణశశీ త్వసావి- -త్యాహుర్జనాస్తామభివీక్షమాణాః || ౧౬-౨ || వధూశ్చ తద్దర్శన వర్ధితాను- -రాగా స్మరంతీ తవ వాక్యసారమ్ | సభాం నృపాణామజితేంద్రియాణాం న ప్రావిశత్సా పితృచోదితాఽపి || ౧౬-౩ || శంకాకులాస్తే నృవరా బభూవు- -రుచ్చైర్యుధాజిత్కుపితో జగాద | మా దీయతాం లోకహితానభిజ్ఞా వధూరశక్తాయ సుదర్శనాయ || ౧౬-౪ || బాలోఽయమిత్యేష మయాఽఽశ్రమే ప్రా- -గుపేక్షితః సోఽత్ర రిపుత్వమేతి | మాఽయం చ వధ్వా వ్రియతాం వృతశ్చే- -ద్ధన్యామిమం తాం చ హరేయమాశు || ౧౬-౫ || శ్రుత్వా యుధాజిద్వచనం నృపాలా హితైషిణః కేచిదుపేత్య సర్వమ్ | సుదర్శనం ప్రోచురథాపి ధీరః స నిర్భయో నైవ చచాల దేవి || ౧౬-౬ || ఏకత్ర పుత్రీ చ సుదర్శనశ్చ యుధాజిదన్యత్ర బలీ సకోపః | తన్మధ్యగో మంక్షు నృపః సుబాహు- -ర్బద్ధాంజలిః ప్రాహ నృపాన్ వినమ్రః || ౧౬-౭ || నృపా వచో మే శృణుతేహ బాలా నాఽఽయాతి పుత్రీ మమ మండపేఽత్ర | తత్ క్షమ్యతాం శ్వోఽత్ర నయామ్యహం తాం యాతాద్య వో విశ్రమమందిరాణి || ౧౬-౮ || గతేషు సర్వేషు సుదర్శనస్తు త్వాం సంస్మరన్ మాతృహితానుసారీ | సుబాహునా తన్నిశి తేన దత్తాం వధూం యథావిధ్యుదువాహ దేవి || ౧౬-౯ || ప్రాతర్యుధాజిత్ప్రబలో వివాహ- -వార్తాం నిశమ్యాత్తరుషా ససైన్యః | సుదర్శనం మాతృవధూసమేతం యాత్రోన్ముఖం భీమరవో రురోధ || ౧౬-౧౦ || తతో రణే ఘోరతరే సుబాహుః క్లీం క్లీమితీశాని సముచ్చచార | తత్రావిరాసీః సమరాంగణే త్వం సింహాధిరూఢా స్వజనార్తిహంత్రీ || ౧౬-౧౧ || త్వన్నామ గాయన్ కథయన్ గుణాంస్తే త్వాం పూజయంశ్చాత్ర నయామి కాలమ్ | స్వప్నేఽపి దృష్టా న మయా త్వమంబే కృపాం కురు త్వం మయి తే నమోఽస్తు || ౧౬-౧౨ ||