香港故事：由AI開始｜香港動畫應唔應該用AI? ｜金像獎金馬獎加持《世外》手繪溫度 vs AI極速生成！動畫創作者如何在成本與靈魂之間取捨？｜AI新時代

你分唔分到邊啲係 AI 生成動畫，邊啲係手繪動畫？當真假越嚟越難分，動畫師嘅價值仲喺邊度？ 本港動畫長片《世外》製作歷時七年，由團隊一筆一劃純手繪完成，最終獲得金像獎八項提名，同埋金馬獎最佳動畫長片，令香港動畫再次被大家看見。但係偏偏喺呢個時候，AI 浪潮席捲而至，以前要花漫長時間繪製嘅畫面，依家幾分鐘就已經生成到，動畫嘅製作模式正被改變。 《世外》團隊堅持人手繪製，因為佢哋相信唯有咁樣先可以畫出角色嘅溫度。擔任動畫美術總監嘅張小踏認為，風格往往源於人嘅不完美：「點樣先會有靈魂呢？就係人類加畀佢。人就係會犯錯、會有奇怪嘅嘢加落去，仲有新嘅想法，呢啲暫時 AI 係做唔到嘅。」 不過，曾經執導《麥兜故事》等多部動畫電影嘅導演袁建滔，卻睇到 AI 嘅另一面。佢將 AI 視為創作嘅輔助工具：「你降低咗成本，大家就有機會試唔同嘅嘢，你多嘗試就會進步，唔試就咩都冇！」 兩種選擇，其實冇分對錯。今集紀錄咗三位動畫製作人—袁建滔、張小踏、何歷，對動畫嘅熱情同埋面對 AI 浪潮時嘅掙扎。喺成本考量同創作熱誠之間，佢哋到底會點樣取捨？又點樣喺科技浪潮之下，守住動畫最獨特嘅靈魂？ 想睇更多： https://www.rthk.hk/tv/dtt31/programm... 立即下載「香港電台隨身版（RTHK On TheGo）」緊貼最新節目：https://rthk.hk/otg 記得LIKE+訂閱＋推播通知！ #人工智能 #AI #世外 #動畫 #麥兜 #小虫蟲大冒險 #袁建滔 #何歷 #張小踏 #金像獎 #電影 #香港故事 #由AI開始