ਅਸਾਮ ਦੇ ਗੈਂਡੇ, ਜੰਗਲੀ ਮੱਝਾਂ, ਹਾਥੀ ਤੇ ਹੋਰ ਜਾਨਵਰ। ਹਾਥੀ ਤੇ ਜੰਗਲ ਦੀ ਸੈਰ। ਸੱਤ ਸਟੇਟਾਂ ਦੇ ਫੁੱਲ । Ghudda ।

#cycling #punjab #assam #kaziranga #nature #ghudda #ghuddasingh ਅਮੋਨੀ ਤੋਂ ਅੱਸੀ ਕ ਕਿਲੋਮੀਟਰ ਪੈਡਲ ਮਾਰਕੇ ਕਾਜੀਰੰਗਾ ਪਹੁੰਚੇ। ਏਥੇ ਬਰਕੁਲਾ ਮਿਲੇ ਚਰਨਜੀਤ ਸਿੰਘ ਦੀ ਭੂਆ ਦੇ ਘਰ ਰਹੇ। ਕਾਜੀਰੰਗਾ ਦੁਨੀਆਂ ਦੀ ਮਸ਼ਹੂਰ ਜਗ੍ਹਾ ਜਿੱਥੇ ਜੰਗਲੀ ਜਾਨਵਰ ਰਹਿੰਦੇ ਨੇ। ਪੰਜਾਹ ਕੁ ਕਿਲੋਮੀਟਰ ਪਹਿਲਾਂ ਹੀ “ਵੈੱਲਕਮ ਟੂ ਕਾਜੀਰੰਗਾ” ਦਾ ਬੋਰਡ ਸਵਾਗਤ ਕਰਦਾ। ਬਹੁਤ ਲੰਮੀ ਚੌੜੀ ਰੱਖ ਆ। ਸੜਕਾਂ ਤੇ ਲੱਗੇ ਚਿਤਾਵਨੀ ਬੋਰਡ ਦੱਸਦੇ ਨੇ ਕਿ ਹੌਲੀ ਚੱਲੋ ਜਾਨਵਰ ਸੜਕ ਤੇ ਆ ਸਕਦੇ ਨੇ। ਗੈਂਡਾ ਕਾਜੀਰੰਗਾ ਪਾਰਕ ਦਾ ਮੁੱਖ ਜਾਨਵਰ ਆ। ਇਹਨਾਂ ਦੇ ਰਿਕਾਰਡ ਮੁਤਾਬਕ ਲਗਭਗ 2500 ਗੈਂਡਾ ਏਥੇ ਰਹਿੰਦਾ। 110 ਚੀਤੇ ਵੀ ਨੇ। ਕਿਧਰੇ ਕੋਈ ਕੰਧ ਜਾਂ ਤਾਰ ਨਹੀਂ ਲੱਗੀ। ਖੁੱਲ੍ਹਾ ਖੇਡਦੇ ਨੇ ਜਾਨਵਰ। ਚੀਤਾ ਕਦੇ ਕਦਾਈਂ ਦਿਸਦਾ ਪਰ ਗੈਂਡਾ ਆਮ ਹੀ ਨਜ਼ਰੀਂ ਪੈਂਦਾ। ਸਵੇਰੇ ਅਸੀਂ 5.45 ਤੇ ਪਹੁੰਚਣਾ ਸੀ। ਪਰ ਵਰ੍ਹਦੇ ਮੀਂਹ ਨੇ ਕੋਈ ਵਾਹ ਨਾ ਜਾਣ ਦਿੱਤੀ। ਲੇਟ ਫੇਟ ਪਾਰਕ ‘ਚ ਪਹੁੰਚੇ। ਹਾਥੀਆਂ ਤੇ ਬਹਿਕੇ ਪਾਰਕ ਦਾ ਨਜ਼ਾਰਾ ਦੇਖਿਆ। ਹਾਥੀ ਗੈਂਡੇ ਦੇ ਬਿਲਕੁੱਲ ਲਾਗੇ ਚਲਾ ਜਾਂਦਾ। ਜੀਪ ਸਫਾਰੀ ਤੇ ਇਹ ਲੱਜ਼ਤ ਨਹੀਂ। ਇਹ ਹਾਥੀ ਸਰਕਾਰੀ ਨੇ। ਸਮੇਂ ਸਮੇਂ ਤੇ ਇਹਨਾਂ ਦਾ ਡਾਕਟਰੀ ਚੈੱਕਅੱਪ ਹੁੰਦਾ ਰਹਿੰਦਾ। ਕਾਜੀਰੰਗਾ ਨੈਸ਼ਨਲ ਪਾਰਕ ਦਾ ਪਿਛਲਾ ਪਾਸਾ ਬ੍ਰਹਮਪੁੱਤਰ ਦਰਿਆ ਨਾਲ ਜਾ ਲੱਗਦਾ। ਮਈ ਜੂਨ ਦੇ ਮੀਂਹ ਸਾਰੇ ਇਲਾਕੇ ਨੂੰ ਭਰ ਦਿੰਦੇ ਨੇ। ਹੜ੍ਹ ਨਾਲ ਸਾਰਾ ਕਾਜੀਰੰਗਾ ਪਾਰਕ ਤਰ ਜਾਂਦਾ ਤੇ ਜਾਨਵਰ ਸੜਕ ਦੇ ਦੂਜੇ ਪਾਸੇ ਪਹਾੜ ਵੱਲ ਟਿਕਾਣਾ ਕਰ ਲੈੰਦੇ ਨੇ। 31 ਮਾਰਚ ਤੋਂ ਅਕਤੂਬਰ ਤੱਕ ਇਹ ਪਾਰਕ ਬੰਦ ਹੁੰਦਾ। ਇਹ ਪਾਰਕ ਪਰਵਾਸੀ ਪੰਛੀਆਂ ਦੀ ਵੀ ਰੱਖ ਆ। ਜੁੜੇ ਰਿਹੋ ਸਫਰ ਨਾਲ…ਦਿਖਾਓਣੇ ਆ ਗੈਂਡੇ ਹੋਰੀਂ….ਘੁੱਦਾ