صيام الاسماك هل السمك بيصوم زينا ؟!

صيام الاسماك هل السمك ممكن يصوم؟ من المعروف ان الصيام موجود في كا الكائنات الحية و هو حاجة بيتكون كويسة للصحة العامة للأسماك بالعكس دا بيكون شيئ ضروري جدا انك تصوم أسماكك يوم في الاسبوع علشان امعاء السمكة ترتاح و تهدي و تنضف و بيفضل الصيام دا يكون في اليوم الي قبل التغيير الدوري ل 25 % من مية الحوض و تنظيفة و هنا بقي هنتكلم عن نوعين من الصيام بالنسبة للسمك ( نوع انت الي بتجبر السمكة عليه – و النوع الثاني هو الي السمكة بتجبرك عليه) النواع الاول و الي هو انت الي مبتأكلش فيه السمك و زي ما قلت من شويه اليوم الي في الاسبوع طيب لو مسافر او هطر اني اقعد برا البيت كام يوم و مش هعرف أأكل السمك بتاعي السمك يقدر يستحمل قد ايه من غير أكل ؟ الموضوع دا أجابته بتكون علي حسب نوع السمكة و عمرها و حجمها و سلوكها و ممكن كمان علي حسب نوع الغذاء بتاعها بس في العموم الاسماك الاكبرفي الحجم و العمر تقدر تستحمل مدد اطول من قلة الاكل عن الاسماك الاصغر في الحجم و العمر و عموما في الطبيعة الاسماك مش بتاكل كل يوم لأنها معتمدة علي الافتراس و خليني مطولش عليكم بس السمك ممكن يقعد أسبوع أو اكتر كمان بدون أكل و يفضل عايش و دا عن تجربة شخصية انا بسافر و بقعد أسبوع و ارجع و بلاقي السمك في حالة صحية أحسن بكتير مما كنت سايبه يمكن دا بسبب انه مبيشوفش وشي :D و عموما لو انت عندك اسماك صغيره او خايف علي الاسماك بتاعتك من الجوع تقدر تجيبلهم اكاله بالكهرباء بتشتغل بتايمر و بيتحط فيها الاكل لو حابين اني اجيبهالكم في حلقة و اشرحلكم بتستعمل ازاي اكتبولي في التعليقات النوع الي حابين اتكلم عنه دا كده بالنسبة للصيام الي انت بتجبر عليه السمكة – طيب يا حلو لو السمكة بتاعتك مش عايزة تاكل ؟؟؟ احيانا كتير بعض الاسماك بتقطع الاكل و دا في حد ذاته مشكله كبيره لان السمكة لو مكلتش لمدة كبيرة هتضعف و هتموت طيب ليه السمك بيعمل كده ؟ حالات الصيام بتكون في بعض الاسماك الشرسة و خصوصا ذات الشخصية بمعني الي بتتفاعل مع البيئة المحيطة و بتتأثر بتغيرها السمكة الاشهر في الحركة دي هيا الاروانا و الفلور هورن و الاوسكار ممكن فعلا بسبب ان مودهم مش حلو انهم يقطعوا الاكل و يدخلوا في صيام لو متفكش السمكة هتموت طيب اعمل ايه لو السمكة عندي دخلت في الصيام و ازاي اخليها تاكل في الحالة دي انت هتحتاج انك تنشط عندها غريزة الصيد بأنك تقدملها اكل حي زي الجوبي النيلي او اي اسماك صغيره اصغر مناه علشان تطاردها و تاكلها تغيير الميه المستمر مرتين 3 في الاسبوع لو تقدر تعمل دا كل يوم اعمله علشان السمكة تحس بتجديد المية فتاكل الاكل الي يتقدم للسمكة بتحطة 5 دقايق و تستني لو مكلتش تشيله و ترميه علشان ميعفنش في الميه و يبوظها متنسوش تتابعوانا علي صفحة الفيس بوك   / samakxmaya   وتعملوا فلو لينا في الانيستجرام   / samakxmaya   و شير لكل أصدقائكم لتصل المعلومة للجميع