الحلقة 3 | علاش عقلنا تيخدم ضدنا ؟ 🎙️

فهاد الحلقة قررت نشارك معاكم جانب شخصي أكثر من حياتي، وتجربة من الماضي خلاتني نفهم كيفاش الفشل، المقارنة، والخوف يقدرو يأثرو على الطريقة اللي كنشوفو بها راسنا وعلى الأفكار اللي كيدور بها عقلنا ولكن مع الوقت فهمت أن بعض المراحل اللي كنعتابروها فشل، ممكن تكون هي نفسها اللي كتعلّمنا، كتقوينا، وكتكون بداية لحاجة جديدة. فهاد الحلقة غنهضرو على علاش العقل ديالنا مرات كيولي ضدنا، علاش كنصدقو الأفكار السلبية اللي كتدور فراسنا، وكيفاش التجارب القديمة ممكن تبقى كتأثر على نظرتنا لراسنا حتى من بعد ما تدوز. يمكن شي حاجة من هاد القصة تكون قريبة منك… ويمكن حتى أنتِ تكوني فمرحلة كتقولي فيها: "علاش أنا بالضبط؟ وعلاش ما قاداش نتحرك؟" إلى كنتِ كتحسي براسك عالقة، كتقارني راسك بالآخرين، أو كتشكّي فالقيمة ديالك بسبب شي حاجة وقعات فالماضي… فهاد الحلقة غادي نحكي معاك من تجربة حقيقية، بلا أحكام وبلا مثالية. 🤍 🎙️ خدي راحتك، سمعي الحلقة حتى للآخر، ويمكن تلقاي فيها جزء منك. ما فاتك والو. 🤍 #مافاتكوالو #بودكاست_مغربي #بودكاست_نسائي #تطوير_الذات #الصحة_النفسية #الثقة_بالنفس #المقارنة #الفشل #بداية_جديدة