你屋企邊個位最旺你？後天八卦教你睇清8大方位對應邊個屋企人！買樓必睇風水教學！

大家好，我係朱文采，歡迎嚟到我嘅頻道！今日同大家解構下最基本嘅家居風水，到底屋企8個方位代表住邊個家庭成員？睇完你就會明佢哋之間千絲萬縷嘅關係！ 喺風水角度，如果你所屬嘅方位有漏水或者有霉菌，你嗰年就好容易生病，運程仲會畀人「㩒低咗」！ 另外，如果個位外面有裝修、搭棚、維修道路或者起緊樓，都會好影響嗰位家庭成員嘅運程運勢。 相反，如果個景觀好開揚，或者有啲好嘅吉祥物，對嗰位成員就會有相應嘅幫助。 間屋唔一定係四方形，如果個位「缺角」，即係無咗嗰一位成員，對嗰位成員嘅運程都會差啲。 所以我哋好多時盡量唔揀缺角樓，例如 T字形或者槍型嘅樓。 雖然知道香港寸金尺土有時無得揀，但如果能夠選擇，通常都係揀啲四四方方、方正嘅屋，咁樣風水擺位就更加好！ 其實每一間屋都有應該擺或者唔應該擺嘅物品。如果你對風水擺設有疑問，又想改善間屋，建議搵專業人士去處理，總好過自己做！ 如果鍾意呢個頻道，歡迎 Like、Share 同埋 Comment，記得訂閱呢個頻道！多謝各位收看！