ERA DI RELEVO: DESPUES DI 25 AÑA MIKE EMAN TA PREPARA PA TRANSFERI LIDERAZGO

Durante un encuentro na Cas di Partido na Rancho, Mike Eman a anuncia cu dia 4 di october, durante Congreso di AVP, e ta prepara pa transferi liderazgo di partido na Wendrick Cicilia. Despues di 25 aña na cabes di AVP, Eman a presenta e momento como un transferencia di responsabilidad entre generacionnan. Segun e, cada generacion tin su propio realidad y ta importante pa liderazgo por sigui conecta cu necesidadnan y aspiracionnan di comunidad. Eman a expresa su confiansa den Cicilia y a indica cu, despues di e cambio di liderazgo, su propio compromiso cu Aruba no ta termina. E ta proyecta sigui dedica su tempo na hobennan y na trabou boluntario den comunidad. Congreso AVP – 4 di october 2026 Aruba Marriott Resort Grand Ballroom 9:00 AM E Era di Relevo ta drenta su siguiente fase cu e transferencia formal di liderazgo durante Congreso di partido.