Прогноз ракобати Фаридун Одилов - Артем Фролов АСА 209 Душанбе: маълумот оиди чанговарон

30 октябр дар шаҳри Душанбе мусобиқаи ACA 209 баргузор мешавад. Дар рақобати асосии ин мусобиқа намояндаи Тоҷикистон Фаридун Одилов бо размикори рус Артём Фралов рӯ ба рӯ мешавад. Ин рақобат дар вазни миёна баргузор шуда, барои ҳар ду варзишгар санҷиши ҷиддӣ хоҳад буд. Барои мухлисони тоҷик ин рақобат аҳамияти махсус дорад, зеро Фаридун бори аввал дар кишвари худ ба майдон мебарояд Аввал дар бораи Фаридун Одилов суҳбат мекунем. Ӯ 34-сола буда, дар ММА бо лақаби «Терминатор» шинохта мешавад. Фаридун дар фаъолияти касбии худ 27 рақобат гузаронида, 21 ғалаба ба даст овардааст, 4 бор мағлуб шудааст ва 2 рақобаташ бо ничия анҷом ёфтааст. Аз 21 ғалабаи ӯ 10-тоаш бо нокаут ва 4-тоаш бо маҷбур кардани рақиб ба таслим шудан ба даст омадаанд. Ин нишон медиҳад, ки Фаридун метавонад рақибашро ҳам бо зарбаҳо ва ҳам бо усулҳои гӯштин мағлуб кунад. Фаридун пеш аз гузаштан ба ММА ба гӯштини озод машғул буд ва орзу дошт, ки ба Бозиҳои олимпӣ роҳ ёбад. Ин таҷриба дар рақобатҳои имрӯзааш низ метавонад ба ӯ кӯмак кунад. Худи Фаридун гуфт, ки мехоҳад дар ҳамаи ҷиҳатҳои мубориза аз рақибаш беҳтар бошад. Биёед ба се рақобати охирини Фаридун назар кунем. Моҳи декабри соли 2025 ӯ аз Эльмар Гасанов бо қарори якдилонаи доварон мағлуб шуд. Аммо баъдан Фаридун тавонист баргардад ва моҳи майи соли 2026 Даурен Эрмековро бо қарори доварон мағлуб кард. Дар рақобати охиринаш, ки 15 август баргузор шуд, ӯ Алтынбек Мамашовро низ бо қарори якдилонаи доварон шикаст дод. Ҳамин тавр, Фаридун пас аз мағлубият ду ғалабаи пайдарпай ба даст овардааст ва бо рӯҳияи хуб ба ин рақобат меояд. Акнун дар бораи рақиби ӯ — Артём Фролав гап мезанем. Ӯ 35-сола буда, дар ММА таҷрибаи калон дорад. Фралов 28 рақобати касбӣ гузаронида, 21 ғалаба ва 7 мағлубият дорад. Аз 21 ғалабаи ӯ 12-тоаш бо нокаут ва 5-тоаш бо усули буғӣ кардан ба даст омадааст., Фралов зарбаи сахт дорад ва метавонад рақобатро пеш аз анҷоми вақти муайяншуда ба охир расонад. Ӯ ҳамчунин қаҳрамони собиқи M-1 Global (эм 1 Глобал) мебошад. Агар ба се рақобати охирини Фролов назар кунем, мебинем, ки ӯ низ натиҷаҳои гуногун дорад. Моҳи июни соли 2024 ӯ бо қарори доварон Саламу Абдураҳмоновро мағлуб кард. Баъдан, моҳи январи соли 2026 аз Рамазон Эмеев бо қарори якдилонаи доварон шикаст хӯрд. Аммо дар рақобати охиринаш, моҳи июни соли 2026, Фралов Марк Ҳулмро дар раунди дуюм мағлуб кард. Пас, дар ин рақобат кадомашон бартарӣ доранд? Ба назари ман, Фаридун ду бартарии муҳим дорад: ӯ аз ду рақобати охиринаш ғолиб баромадааст ва ин дафъа дар назди мухлисони худ мубориза мебарад. Дастгирии тамошобинони тоҷик метавонад ба ӯ нерӯи иловагӣ диҳад. Аммо Фраловро низ набояд кам гирифт. Ӯ таҷрибаи зиёд дорад, зарбаҳои сахт мезанад ва метавонад аз ҳар як иштибоҳи рақиб истифода барад.