رفاهية الموظفين والـ People Analytics مع هاني رضوان

في الحلقة دي من SMEs Podcast، بنستضيف هاني رضوان، Investor وعضو مجلس إدارة (Advisory Board Member) في Benefit Hero، عشان نتكلم عن رفاهية الموظفين (Wellness) وتحليلات الموارد البشرية (People Analytics). هاني بيوضح إن منصات زي Benefit Hero بتجمع بيانات دقيقة عن الموظفين، وبتساعد الشركات، حتى الصغيرة منها، إنها تاخد قرارات ذكية بترشّد التكاليف وتحسّن استغلالها، وممكن كمان توصّي بقرارات بالاعتماد على الذكاء الاصطناعي. وبيؤكد إن برامج الصحة والرفاهية مش رفاهية زيادة، لكنها بتنعكس مباشرة على إنتاجية الموظف والاحتفاظ بيه (Retention)، خصوصًا مع دخول جيل الـ Gen Z اللي بيدوّر على الراحة والكلتشر مش الفلوس بس. وبيشدد إن محاربة الاحتراق الوظيفي (Burnout) بقت ضرورة مش رفاهية. وبيتكلم عن دعم النمو الأخلاقي والمستدام من خلال تلات محاور، وهي التمويل الأخلاقي اللي بيشيل جزء من المخاطرة مع صاحب الشركة، والاستدامة، والمسؤولية المجتمعية اللي بترفع الـ Retention وبتكسب دعم المجتمع