Қазақтың бұлбұл қызы атанғаныма бақыттымын | Бибігүл Төлегенованың тағдыр жолы

Бибігүл Төлегенова - 1929 жылдың 16 желтоқсанында дүниеге келген. КСРО халық әртісі туған елінен бөлек Нью-Йорк, Лондон, Париж, Рим, Токио, Сеул, Каир сахналарында ән шырқап, көрерменнің қошеметіне бөленген әнші әлемдік деңгейдегі опера жұлдызы атанды. Теңдесіз талантымен көптің бірі емес, бірегейіне айналып ЮНЕСКО шешімі бойынша XX ғасырдың жиырма ұлы әйелдерінің қатарына енген ұлтымыздың мақтанышы. Таланты мен табиғаты жарасқан Бибігүл Ахметқызының тамаша дауысы арқылы халқымыздың ән мұрасы өнер сүйген әр жүрекке терең бойлады. Ол өзіне берілген дарыны арқылы ұлтының, өнерінің ұлылығын дәлелдеді. Әлемнің үздік сахналарында өнер көрсетіп жүрген опера әртістері мен музыканттарының бірнеше буынын тәрбиелеген жан әсем әнімен ғана емес, көркем болмысымен де халқына қуаныш сыйлап келе жатқан ерекше тұлға. Бибігүл Төлегенованың есімі болашақ ұрпақтың жарқын жолына шамшырақ болары хақ.