عقد الجواهر | خالد ال بريك & عبدالله اليوسف | هلت هواجيسي وجت مثل السحاب 2026

للتواصل والاستفسارات : الحسابات الرسمية ​ ‏Official WhatsApp : https://api.whatsapp.com/send?phone=5... __ هلّت هواجيسي وجت مثل السحاب الهاطلات تروي ظما صدري فينبت به قصيدٍ منتقى ابدا بحمد اللي خلق سبع السما والكائنات من يلتجي له ما يخيب طول الزمان ولا شقى يا رحمة الله انزلي عالجد راعي المكرمات جدّي عراوي ماجدٍ طيّب عسى الجنّة لقا وانا سميّه وافتخر باسمه على كل الجهات كان الكريم اللي عطا ما يحسب المال انفقا يا جدّتي ربي يجازيك القصور العاليات ربّت عيال الجد في حضنٍ وقلبٍ مشفقا ثم امتدح ذخري وعزّي في الليالي الحالكات اللي على درب المراجل من صغر سنّه رقا يا والدي ظلٍّ ظليلٍ من لهيب الموجعات كم ضيقةٍ فرّجها لي كم نايبه عنّا وقى ربّى عياله عالوفاء والمرجلة والصالحات قال: الكرم عزٍّ لنا واللي بخل ما له بقا يا ربّنا طوّل حياته بالرضا والعافيات واسقه من الكوثر هنيّ والمصطفى خير السقا عمّي محمد للملا كفّه سحايب ماطرات يعطي ليا ضيفٍ نزل بالجود وذكره حلّقا عونٍ ليا ضاقت على الناس الأمور المعضلات ياما لفى له طالبٍ يرجي وظنّه حقّقا خالد فزوعٍ للعرب لا جت ظروفٍ قاسيات عمّي ترى للوالدين البار وربّه وفّقا يوسف كريمٍ ما يشحّ يعطي الهبات الوافيات عمّي على كل الملا صار الثناء له سابقا جاسر وقلبه طيّبٍ مثل الندى صافي الصفات عمّي ليا عاهد وفاء ثابت وقوله صادقا حنّا كما عقدٍ نظم فيه الجواهر غاليات جدّي بوسطه درّةٍ زادت لعقده رونقا كل الخصال اللي بهم فيني غدت خير السمات وارث لهم طيبٍ وذكرٍ بالمعالي عابقا عشت الحياة اللي بها مرّ السنين المتعبات صابر وقلبي ما وهن صامد بربّي واثقا لين استوى عودي وربّي عزّني بالمنجزات ثم اليمين اللي غدت تبني لي مجدٍ شاهقا وانا تميمي والنّسب هامة مضر واهل الثبات مجدٍ عريقٍ في السماء مثل الثريّا بارقا حنّا على الدجّال اشدّ قومٍ بيوم الحاسمات والمصطفى عنّا حكى فخرٍ لنا ما فارقا وديرتي فيها الشيوخ اهل العلوم النافعات اوشيقر اللي حبّها وسط الحشاء بي عالقا قومي ليا جاها النداء شدّوا الخيول الصافنات تحمي الحمى يوم الوغى سيفٍ وضربٍ ماحقا هل الديار اللي بها نار الوجار المشعلات يشهد لهم ليل الدجى قاموا بها للخالقا صلّوا على الهادي عدد رمل الفلا والسافيات ما غرّد القمري وما لاح الصباح الشارقا