បន្លែបង្ការល្អៗណាស់ រសជាតិក៏ឆ្ងាញ់ពិសេស ឈ្មួញដណ្ដើមគ្នាទិញ ព្រោះជាបន្លែសរីរាង្គដែលល្អសម្រាប់សុខភាព

កាលពីខែកក្កដា ឆ្នាំ២០២៦កន្លងទៅនេះ ខ្ញុំ និងក្រុមគ្រួសារបានធ្វើដំណើរទៅកាន់កោះពាមរាំងជាលើកដំបូង។ សូមជម្រាបផងដែរថា កោះពាមរាំងនេះជាឈ្មោះភូមិមួយស្ថិតក្នុងចំណោមភូមិទាំង៤ ដែលនៅដាច់ស្រយាលពីភូមិផ្សេងៗទៀត។ ភូមិនេះស្ថិតនៅលើដីកោះចំកណ្ដាលផ្ទៃទន្លេមេគង្គ ក្នុងឃុំកោះចេក ស្រុកពាមជរ ខេត្តព្រៃវែង ហើយដើម្បីអាចទៅដល់ភូមិនេះ ពួកយើងត្រូវធ្វើដំណើរតាមរយៈទូកចម្លង។ នៅលើកោះនេះមានប្រជាជនប្រមាណជាង២០០គ្រួសាររស់នៅ ហើយពួកគាត់ភាគច្រើនគឺប្រកបរបរដាំដុះដំណាំ បន្លែបង្ការផ្សេងៗដើម្បីចិញ្ចឹមជីវភាព។ អ្វីដែលខ្ញុំកាន់តែចាប់អារម្មណ៍ទៀតនោះ គឺមួយរយៈពេលចុងក្រោយនេះ អ្នកនៅលើកោះស្ទើរតែទាំងអស់បានប្ដូរមកដាំដុះដំណាំបន្លែបង្ការផ្សេងៗដោយប្រើប្រាស់ជីសរីរាង្គ។ នៅទីនេះមានលក្ខណៈអំណោយផលពីធម្មជាតិច្រើនដល់ការដាំដុះ ព្រោះថាទីនេះគឺសំបូរប្រភពទឹកប្រើប្រាស់ស្រោចស្រពគ្រប់គ្រាន់សម្រាប់រួមចំណែកក្នុងការអភិវឌ្ឍកសិកម្ម និងកសិឧស្សាហកម្ម ដែលប្រជាជនភូមិនេះស្ទើរតែមួយរយភាគរយជាអ្នកប្រកបរបរដាំដំណាំ។ ពួកគាត់មិនទុកដីឲ្យនៅសល់ទំនេរចោលឡើយ សូម្បីតែដីទីធ្លាមុខផ្ទះក៏ព័ទ្ធសំណាញ់ លើករង ដាំបន្លែបង្ការដែរ។ ក្រុមកសិករទាំងនេះ ផលិតបន្លែសរីរាង្គ និងបន្លែសុវត្ថិភាពរាប់សិបប្រភេទដូចជា ត្រសក់ ម្រះ ត្រប់ ត្រលាច ននោង ស្លឹកបាស់ ស្លឹកផ្ទី ស្ពៃចង្កឹះ ស្ពៃតឿ ស្ពៃខ្មៅ ស្ពៃក្រញ៉ាញ់ ស្ពៃក្ដោប សាលាដ ខាត់ណា ប៉េងប៉ោះ ឆៃថាវ សណ្ដែកគួរ ខ្ទឹមស្លឹក ម្ទេស ជីរ ព្រមទាំងដំណាំកសិ-ឧស្សាហកម្មមួយចំនួនដូចជា ពោត សណ្ដែកបាយ សណ្ដែកដី ល្ងជាដើម។ លើសពីនេះ ដែនដីកោះនេះ ក៏មានដំណាំហូបផ្លែតាមរដូវកាលដែរដូចជាផ្លែទឹកដោះ ពុទ្រ្ទា ឪឡឹក ល្មុត ម្នាស់ ពិសេសចេកគ្រប់ប្រភេទដែលគ្រប់រដូវកាល។ នេះជាចំណុចរបត់ថ្មីមួយ ដែលនាំឱ្យជីវភាពអ្នកនៅទីនេះកាន់តែមានភាពល្អប្រសើរឡើងមួយកម្រិតទៀត ព្រោះថាបន្លែដែលពួកគាត់ដាំដុះបានគឺមានឈ្មួញមកទិញក្នុងតម្លៃល្អ ហើយមិនត្រឹមតែប៉ុណ្ណោះគឺមានឈ្មួញមកដណ្ដើមទិញបន្លែដំណាំអស់ៗគ្មានសល់។ តើអ្វីដែលបណ្ដាលឱ្យបន្លែនៅទីនោះមានរសជាតិឆ្ងាញ់ពិសេស មិនថាខាត់ណា ជី ឬបន្លែបង្ការផ្សេងទៀត? ដីនៅទីនោះជាដីល្អស្រាប់ មានទឹកស្រោចស្រពគ្រប់គ្រាន់ ខ្សល់អាកាសល្អ និងដោយបានប្រើប្រាស់ជីសរីរាង្គបូកាឈីរ៉ាដែលជាផលិតផលជីសរីរាង្គមានគុណភាពល្អទៀតនោះ វាកាន់តែធ្វើឱ្យគុណភាពបន្លែដែលដាំដុះបានកាន់តែល្អ។ វាល្អសម្រាប់អ្នកដាំដុះផ្ទាល់ផង និងអ្នកបរិភោគផង។ ប្រសិនបើអាច បងប្អូនគួរតែបានធ្វើដំណើរទៅស្គាល់កោះពាមរាំងឱ្យបានម្ដង ព្រោះថានៅទីនោះត្រង់ណាក៏មានពណ៌បៃតងខ្ចីដែរ។