G2G बार्ता अपडेट: बेलायत सरकारलाई अल्टिमेटम दिँदै, आन्दोलन बेलायत र नेपाल दुवै देशमा गर्ने चेतावनी,

११ वटा माग नेपालीमा 1. १५ वर्ष सेवा गरेका गोर्खालाई १५ वर्षको समानुपातिक पेन्सन — ब्रिटिश सैनिकको २२ वर्षको पेन्सनलाई आधार मानेर। २२ वर्ष वा बढी सेवा गरेकालाई पूर्ण समानता र १५–२१ वर्ष सेवाकालाई अनुपातिक मान्यता। 2. पहिले दिइएको उपदानको कमीको क्षतिपूर्ति — ब्रिटिश समकक्षीभन्दा गोर्खाले निकै कम पाएको रकमलाई ध्यानमा राखी भूतपूर्व सैनिक तथा विधवालाई कर नलाग्ने एकमुष्ट रकम दिनुपर्ने। 3. Gurkha Offer to Transfer (GOT) को सुधारात्मक मूल्याङ्कन गर्नुपर्ने। 4. Redundancy, Medical Discharge र Preserved Pension सम्बन्धी अन्याय सच्याउनुपर्ने — युद्धपछि सेवाबाट हटाइएकालाई एकमुष्ट redundancy रकम, योग्यलाई preserved pension, र चिकित्सकीय कारणले सेवा छोडेकालाई समान पेन्सन अधिकार दिनुपर्ने। 5. State Pension — गोर्खाहरूले कर तथा National Insurance सम्बन्धी योगदान गरेका कारण योग्यता पुगेकालाई ब्रिटिश राज्य पेन्सनको अधिकार दिनुपर्ने। 6. Preserved Pension — ६ अप्रिल १९७५ पछि सेवा छोडेका ब्रिटिश सैनिकलाई दिइएको व्यवस्था गोर्खालाई पनि समान रूपमा लागू गर्नुपर्ने; केही कम सेवा भएकालाई पनि अनुपातिक मान्यता दिनुपर्ने। 7. दुवै अभिभावक गुमाएका गोर्खाका आश्रितलाई Goodwill Payment — नजिकका परिवार सदस्य वा आश्रितलाई एकमुष्ट सद्भावना रकम दिनुपर्ने। 8. सेवारत गोर्खाका लागि Retention Allowance — गोर्खालाई पनि समान प्रोत्साहन/retention भत्ताको व्यवस्था गर्नुपर्ने। 9. Service Waiver को मान्यता — redundancy स्वीकार गर्दा पहिले दिइएको सेवा-माफी हटाइएकाले त्यसलाई पुनः मान्यता दिई पेन्सन/सेवामा अनुपातिक हिसाब गर्नुपर्ने। 10. विशेष पारिवारिक पेन्सन — युद्धमा मृत्यु भएका सैनिकका विधवा तथा घाइते सैनिकका परिवारका लागि विशेष पेन्सनको व्यवस्था गर्नुपर्ने। 11. Provident Fund — योग्यता पुगेका गोर्खालाई पनि भविष्य निधि (Provident Fund) उपलब्ध गराउनुपर्ने।