ਬਹਿਰੀਨ ਵਾਲੀ ਮਹਿਲਾ ਵਾਲੇ ਕੇਸ 'ਚ ਫਸੇ ਅਕਾਲੀ ? ਗਿਆਨੀ ਹਰਪ੍ਰੀਤ ਸਿੰਘ ਦੀ ਪਾਰਟੀ ਕੱਢ ਲਿਆਈ ਸਬੂਤ ? | OneIndia

ਬਹਿਰੀਨ ਵਾਲੀ ਮਹਿਲਾ ਵਾਲੇ ਕੇਸ 'ਚ ਫਸੇ ਅਕਾਲੀ ? ਗਿਆਨੀ ਹਰਪ੍ਰੀਤ ਸਿੰਘ ਦੀ ਪਾਰਟੀ ਕੱਢ ਲਿਆਈ ਸਬੂਤ ? ਹਿਰੀਨ ਵਾਲੀ ਮਹਿਲਾ ਮਾਮਲੇ ਨੂੰ ਲੈ ਕੇ ਪੰਜਾਬ ਦੀ ਸਿਆਸਤ ਇੱਕ ਵਾਰ ਫਿਰ ਗਰਮਾ ਗਈ ਹੈ। ਅਕਾਲੀ ਦਲ ਪੁਨਰ-ਸੁਰਜਿਤ ਦੇ ਆਗੂ ਗੁਰਜੀਤ ਸਿੰਘ ਤਲਵੰਡੀ ਵੱਲੋਂ ਇਸ ਮਾਮਲੇ ਦੀ ਡੂੰਘਾਈ ਨਾਲ ਜਾਂਚ ਦੀ ਮੰਗ ਕੀਤੀ ਗਈ ਹੈ। ਤਲਵੰਡੀ ਮੁਤਾਬਕ ਪਾਰਟੀ ਵੱਲੋਂ ਪੰਜਾਬ ਦੇ ਡੀਜੀਪੀ ਨਾਲ ਮੁਲਾਕਾਤ ਕਰਕੇ ਮੰਗ ਪੱਤਰ ਦਿੱਤਾ ਗਿਆ ਸੀ। ਇਸ ਤੋਂ ਬਾਅਦ ਡੀਜੀਪੀ ਦਫ਼ਤਰ ਵਿੱਚ ਏਡੀਜੀਪੀ ਏ.ਐੱਸ. ਰਾਏ ਨਾਲ ਮੁਲਾਕਾਤ ਹੋਈ। ਤਲਵੰਡੀ ਨੇ ਦੱਸਿਆ ਕਿ ਪੁਲਿਸ ਅਧਿਕਾਰੀ ਵੱਲੋਂ ਮਾਮਲੇ ਵਿੱਚ ਕਾਰਵਾਈ ਦਾ ਭਰੋਸਾ ਦਿੱਤਾ ਗਿਆ ਹੈ। ਦੱਸ ਦਈਏ ਕਿ 21 ਅਗਸਤ 2026 ਨੂੰ ਸ੍ਰੀ ਆਨੰਦਪੁਰ ਸਾਹਿਬ ਥਾਣੇ ਵਿੱਚ ਅਮਰਜੀਤ ਸਿੰਘ ਚਾਵਲਾ ਖ਼ਿਲਾਫ਼ ਕੇਸ ਦਰਜ ਹੋਣ ਦੀਆਂ ਰਿਪੋਰਟਾਂ ਸਾਹਮਣੇ ਆਈਆਂ ਸਨ। ਮਾਮਲੇ ਵਿੱਚ ਬਹਿਰੀਨ ਰਹਿੰਦੀ ਇੱਕ ਮਹਿਲਾ ਵੱਲੋਂ ਗੰਭੀਰ ਦੋਸ਼ ਲਗਾਏ ਗਏ ਹਨ। Punjabi Tribune ਹੁਣ ਗੁਰਜੀਤ ਤਲਵੰਡੀ ਦਾ ਦਾਅਵਾ ਹੈ ਕਿ ਇਹ ਕੋਈ ਇਕੱਲੀ ਘਟਨਾ ਨਹੀਂ, ਸਗੋਂ ਇਸ ਪਿੱਛੇ ਕਥਿਤ ਤੌਰ ’ਤੇ ਇੱਕ ਵੱਡੀ ਸਾਜ਼ਿਸ਼ ਹੋਣ ਦਾ ਸ਼ੱਕ ਹੈ। ਹਾਲਾਂਕਿ ਇਹ ਦੋਸ਼ ਹਨ ਅਤੇ ਇਨ੍ਹਾਂ ਦੀ ਜਾਂਚ ਹੋਣੀ ਬਾਕੀ ਹੈ। ਤਲਵੰਡੀ ਨੇ ਪੁਲਿਸ ਤੋਂ ਮੰਗ ਕੀਤੀ ਹੈ ਕਿ ਮਾਮਲੇ ਨਾਲ ਜੁੜੀ FIR ਦੀ ਡੂੰਘਾਈ ਨਾਲ ਜਾਂਚ ਕੀਤੀ ਜਾਵੇ ਅਤੇ ਇਹ ਵੀ ਸਾਹਮਣੇ ਲਿਆਂਦਾ ਜਾਵੇ ਕਿ ਇਸ ਪੂਰੇ ਮਾਮਲੇ ਤੋਂ ਕਿਸ ਨੂੰ ਕਥਿਤ ਤੌਰ ’ਤੇ ਫਾਇਦਾ ਹੋਣਾ ਸੀ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਾਰਟੀ ਵੱਲੋਂ ਜਾਂਚ ਦੇ ਹੱਕ ਵਿੱਚ ਕੁਝ ਸਬੂਤ ਵੀ ਪੁਲਿਸ ਦੇ ਸਾਹਮਣੇ ਰੱਖੇ ਗਏ ਹਨ। ਦੂਜੇ ਪਾਸੇ, ਪਹਿਲਾਂ ਵੀ ਅਕਾਲੀ ਦਲ ਪੁਨਰ-ਸੁਰਜਿਤ ਵੱਲੋਂ ਇਸ ਮਾਮਲੇ ਵਿੱਚ SIT ਬਣਾਉਣ ਅਤੇ CCTV, ਜੇਲ੍ਹ ਰਿਕਾਰਡ, ਮੁਲਾਕਾਤੀਆਂ ਦੇ ਰਿਕਾਰਡ, ਰਿਹਾਇਸ਼ੀ ਰਜਿਸਟਰ ਅਤੇ ਕਾਲ ਡਿਟੇਲ ਵਰਗੇ ਸਬੂਤ ਸੁਰੱਖਿਅਤ ਕਰਨ ਦੀ ਮੰਗ ਕੀਤੀ ਜਾ ਚੁੱਕੀ ਹੈ। Punjabi Tribune ਹੁਣ ਵੱਡਾ ਸਵਾਲ ਇਹ ਹੈ ਕਿ ਬਹਿਰੀਨ ਵਾਲੀ ਮਹਿਲਾ ਮਾਮਲੇ ਦੀ ਜਾਂਚ ਕਿੱਥੇ ਤੱਕ ਪਹੁੰਚਦੀ ਹੈ ਅਤੇ ਤਲਵੰਡੀ ਵੱਲੋਂ ਲਗਾਏ ਗਏ ਸਾਜ਼ਿਸ਼ ਦੇ ਦਾਅਵਿਆਂ ਵਿੱਚ ਜਾਂਚ ਤੋਂ ਕੀ ਸਾਹਮਣੇ ਆਉਂਦਾ ਹੈ? #Amarjeetchawla #sgpc #harjinderdhami #gianiharpreetsingh