كريم البنا _ وصية اب عن الجواز

وصية اب عالجواز شاب ومن بنات الدنيا حب والحب بان من طلته والقلب اصبح شيخ عليل والعشق اصبح علته قالو يابني حب زي ما انته عايز اللي هتحبها غير اللي هتتجوزها السلم بيتكنس من فوق لتحت اعدل روحك وبعدين دور علي الطاهرة الشريفه اللي عايز تتجوزها ان جيت ف يوم قصدت بيت اقصد عدلك ان ملت يوم علي اصله عدلك وان غبت يوم عن فرشها مايجيش غريب يتعداك مايجيش غريب عدلك انته نقي بعين حبيب وسيب السؤال لحريمك الحريم عارفين بعض ان حبتك الحيه اتلفح بيها وان حبتك النمروده مش هتلقي خير فيها الزوجه رزق ياتلقي اللي تقولك انا وانته عالزمن يااما اللي تقولك انا والزمن علي رقبتك لو حصلت مشكله بين مرتك وحريم بيتك ماتصلحهمش علي بعض الحريم مايصلحهمش راجل الحريم زي الافاعي يوالفو بعض اللي ماترباش من ابوه وامه تربيه المره البارده 4بنات ماتفكرش تتجوزهم البجحه واللي عينها قويه وكلبة الفلوس واللي بتتعايق بجسمها البجحه هتقل مقدارك واللي عينها قويه اللي فيها تجيبه فيك وكلبة الفلوس تبيع الغالي بالرخيص واللي بتتعايق بجسمها فاجره الراجل اللي يسيب حريم بيته يلبسو علي كيفهم ماتقولش عليه ديوس حرام عليك انته ماتعرفش ظروف الناس ده اسمه معرص ماتاخدش البكريه بتبقي عبيطه ولا اصغر واحده علشان دلوعه وهتسقيك المنقع نقي اخوال عيالك تغور الحنينه اللي حارسها قرد اوعي تتجوز في بيت عيله لو انته واخواتك مش متفقين خد اللي علي قدك ماتخدش واحده ابوها لباسه مقطوع وتستحمي بدوف اللي علي قدك تسترك اتجوز اللي اقل منك او اللي زيك فالتعليم والعيشه علشان الاعلي منك هتتكبر عليك البيوت كلها مشاكل اقفل بابك علي مشاكلك المعايش تعريص ماتفهمش الكلمه غلط لما تتجوز هتعرف ان مش كل كلمه تقف عليها هما مايعرفوش الاصول مراضيه الحماره ترحمك من نهيقها الناصحه ناصحه من بيتها واللي ماتعرفش ترقص تقول الارض عوجه والحريم رقبتها عوجه تبقي في بيت ابوها زي الحصان تييجي عندك المرض يمسكها تحس ان ابوها كان ملزقها ساعة الزعل ماتاخدش علي كلامهم تبقي جايبلها الدنيا عندها وغلطه واحده تقول شاربه المر طول عمري معاه خد البخيله بنت الكريمه ولا تاخد الكريمه بنت اللئيمه قرد مهاود ياولدي ولا غزال شارد وماتتعبش روحك فالمحبه القلوب ملهاش حاكم والجواز نصيب الحلوين يتمنو والمعفنيين يتهنو، خطيبتك اسأل الغريب عنها القريب هيقول ست البنات راضيها بالكلام هما ماعيزينش الا كلام ساعدهم في شغل البيت الرسول اشرف الخلق كان بيساعد اهل بيته تفصيله الحريم من قماشه واحده ف متحاولش تعدلها كان غيرك نفع مفيش راجل ف الدنيا يقدر يحكم ست هي لو اصيلة هتشيلك ولو ناقصه تطلعلك النجيله في عينيك الحريم تمشي بالمحبه والتراضي الضرب للبهايم وماتقولش مرتي طيبه دول تعابين مفيهمش طيب زعلها انته بس وهتشوف الطيبه اللي علي حق الجواز شيله واللي مايقدرش علي شيلته يهد بيته بايده الحب نزاهه حب لما يكون معاك تمن الجواز الدنيا مش علي كيف حد البيوت ليها باب اقصده المرجله ف دخول البيوت لوحدك الدين مايضايقش الراجل الدول مديونه اكدب عليهم الكدب عليهم راحة دماغ بس رتب كدبك الحريم بتنسي اللي تقوله ومابتنساش اللي انته بتقوله لو ليك ماضي قول مفيش قول ده انتي الاولي والاخيره الغندوره ماتفتحش بيوت اللي شايفه نفسها ليك وللناس والمحترمه ليك لوحدك اللي كلامها حلو خبره خاف منها والعبيطه فالكلام تغور بعبطها دور علي اللي تحفظ لسانها فالكلام مرتك تفضل شايله سرك لحد ماتزعلها مايغركش الشكل الحريم كلها حريم خد من اللي حواليك من الجبل للجبل سيب الغريبه للغريب اللي زيها العايبه مش هتخلف دكتوره العايبه بتها عايبه زيها ماتسلمش ودنك لمرتك سحر المخده غلب سحر الكتابه ف الخطوبه خف رجلك فالزياره قصر المده وعجل عالفرح في يوم فرحك افرح افرح قوي ماتخليش حاجه تنكد عليك زيح الهموم الانسان ليه فرحتين ف عمره كله اول فرحه بجوازك وتاني فرحه باول خلفه ليك وبعد كده هتشيل طين علي دماغك ربنا بايده الخلف اسعي عليه ربنا مكتبهوش خلاص ربنا موزع الارزاق اقفل بابك عليك الفضايح ليها تمن والستر غالي الستر غالي قوي