Շանթի և իմ հանդիպումը միստիկական սիրո պատմություն է. Հասմիկ Կարապետյան

Ես ուզում էի թարգմանչուհի դառնալ, այնպես ստացվեց, որ ընդունվեցի Ժուռնալիստիկայի ֆակուլտետ, բայց ինձ համար այլ ճանապարհ էր նախանշված։ Դեռ մանկապարտեզային տարիքից տիկնիկներին շարում էի որպես հանդիսատես և երգում էի նրանց համար, այսինքն՝ ինձ բեմը գրավել էր դեռ այդ տարիքից։ Իմ Հովհաննես պապիկը, երբ ես տարրական դասարան ընդունվեցի, ինձ դաշնամուր նվիրեց ու ասաց՝ «Սա երգչուհի է դառնալու»։ Պապիկս կանխազգացել էր։ Առաջին հեղինակային երգն անպատասխան սիրո մասին էր և վերնագրված էր «Չգիտեմ»։ «Անուշադրության կենտրոն» հաղորդաշարի եթերում պատմեց երգչուհի Հասմիկ Կարապետյանը։ «Հիմա շատ հեշտ է դառնալ ճանաչված, բայց դժվար է մնալ։ Այդպիսի ժամանակներ են։ Մարդիկ անընդհատ շտապում են, սկսել են չտեսնել և չզգալ։ Ուզում ես թափ տալ, որ մի պահ կանգ առնեն։ Այս վազքի մեջ իրենք իրենց որպես մարդ մոռանում են»,- ասաց երգչուհին։ «Միացյալ Նահանգներում ստեղծվեց իմ առաջին ձայնասկավառակը, բայց այնպես ստացվեց, որ պետք էր վերադառնալ, և ես վերադարձա։ Ընկերներս ասում էին, որ «Հասմիկին ստեղ չենք թողնելու, որովհետև երկու տարի հետո, երբ վերադառնանք, կտեսնենք` Հոլիվուդում իր անունով աստղ կա»,- կատակելով ասաց երգչուհին։ «Ես առաջ շատ էի պայքարում էժանագին երաժշտության դեմ։ Բայց լռեցի, որովհետև հասկացա, որ մարդիկ սիրում են այդ երաժշտությունը։ Ես զենքերս վայր դրեցի, այլևս չեմ խրատում։ Եթե սիրում են, ես ո՞վ եմ, որ խրատեմ»։ Խոսելով Արցախի մասին՝ երգչուհին նշեց․ «Արցախի յուրահատկությունն իմ մաշկի վրա զգացել եմ։ Այնքան կարոտում եմ Արցախը։ Իմ փոքր տղային այնքան եմ պատմել Արցախի մասին, որ նա մի օր ասաց՝ «Մա՛մ, դու սիրում ես Արցախը»։ Ես հայրենիքի մասին երգ չունեմ։ Իմ երգերը սիրո, մարդկային ապրումների մասին են։ Ես հիմա եմ հասկացել՝ հայրենիքն ինչ է ինձ համար, որովհետև կար ժամանակ, երբ Շուշան Պետրոսյանն ինձ ասաց՝ «Ինչո՞ւ դու հայրենիքի մասին երգեր չունես»։ Ես հիմա առավել քան պատրաստ եմ երգել հայրենիքի մասին։ Երևի ժամանակ էր պետք, որ ես խորապես հասկանայի, թե ինչ է հայրենիքը»։ «Միստիկ սիրո պատմություն է եղել մեր հանդիպումը Շանթի հետ։ Ես արդեն համակերպվել էի իմ կյանքի հետ, որովհետև մտածում էի՝ ընտանիք չեմ կազմի, արդեն ուշ եմ համարում։ Բայց Աստված այլ ծրագիր ուներ ինձ հետ կապված»,- նշեց երգչուհին։ Մանրամասները՝ տեսանյութում։ Անի Տեր-Գուլանյան #24News #Անուշադրության կենտրոն #ԱնիՏեր-Գուլանյան #Հասմիկ Կարապետյան Հետևի’ր 24News-ին այլ սոցցանցերում   / 24news.am     / 24newsarmenia     / 24news.am   https://t.me/twentyfournews © 2024 24News. Բոլոր իրավունքները պաշտպանված են: 24TV-ում տեղադրված նյութերն օգտագործելիս ակտիվ հղում տալը պարտադիր է: Կայքում տեղադրված այլ հեղինակների և բանախոսների արտահայտած կարծիքը կարող է չհամընկնել 24TV-ի խմբագրության տեսակետի հետ: Address: Dzorap 40, Office Area 23. E-mail: info@24news.am Tel. +374 41 240060 Գովազդի համար զանգահարել +374 41 240060 #24News #24TV #Լուրեր