O Seminario de Onomástica responde: O Orzán | Iván Méndez

O Orzán é un dos topónimos máis singulares da cidade da Coruña, pois con el noméase unha enseada, un dos seus areais urbanos, diferentes rúas e o barrio máis densamente poboado de toda Europa, A Agra do Orzán. Iván Méndez, técnico do Seminario de Onomástica da Real Academia Galega, repasa nun novo capítulo da serie “O Seminario de Onomástica responde” as diversas hipóteses que suscitou entre os especialistas a orixe e significado deste topónimo.