Lucky symbol for your birth star ? | நட்சத்திரப்படி அதிஷ்ட முத்திரைகள் என்ன?

எந்த காரியத்தை துவங்கினாலும் ஆதரவான வார்த்தை, சுப சகுனங்கள், மங்கள சொற்கள் கேட்டால் அது நடக்கிறதோ இல்லையோ, மனதுக்கு ஒரு புத்துணர்வு கிடைக்கிறது. தூங்கி எழுந்ததும் மங்கள சின்னங்களை பார்க்க வேண்டும் என்று ஒரு பட்டியலே இருக்கிறது. ஒரு வியாபாரம் துவங்குகிறோம். அன்றாட வரவு செலவு நோட்டில் பிள்ளையார் சுழி போட்டு சிவமயம் என்றும் லாபம் என்றும் மஞ்சளால் எழுதி வைப்பது நம் பாட்டன் காலத்து பழக்கம். தொழிலை நாம்தான் நடத்துகிறோம். என்றாலும் அந்த வரவு செலவு நோட்டை எடுத்து பிரிக்கும்போதே மங்களமாய் தோன்ற வேண்டும் என்ற எண்ணம்தான் அதற்கு காரணம். ஒரு நம்பிக்கை. அந்த வகையில் நாம் பிறந்த நட்சத்திரங்களுக்கு என்று ஒரு முத்திரை அல்லது வடிவம் அல்லது அமைப்பு இருக்கிறது. அந்த அமைப்பு அல்லது முத்திரை அந்த நட்சத்திரகாரர்களுக்கு அதிர்ஷ்டத்தை தரும். அது மங்களமானது. நாம் அணியும் மோதிரம், பிரஸ்லெட், கழுத்து சங்கிலில் இணைத்து அணியும் டாலர் அல்லது பென்டனில் இந்த மங்கள சின்னங்களை இணைத்து அணிவது நல்லது. அதன் விளக்கமே இந்த பதிவு.