ជ្រូកកណ្តុរកាត់ព្រៃនៅខេត្តមណ្ឌលគិរី កំពុងមានទីផ្សារខ្ពស់

បច្ចុប្បន្ននេះសង្កេតឃើញថា ប្រជាជនកម្ពុជាភាគច្រើននិយមទទួលទានសាច់ជ្រូកអាំង ជាពិសេសជ្រូកកណ្តុរអាំងមានស្បែកស្រួយ និងសាច់ឆ្ងាញ់ដែលគេនិយមប្រើប្រាស់ជាអាហារប្រចាំថ្ងៃ ក្នុងពិធីសែន ឬបុណ្យនានា។ ដោយសារមានតម្រូវការស្ទើរគ្រប់ទីកន្លែងនេះហើយ ទើបធ្វើឱ្យតម្លៃជ្រូកកណ្តុរមានទីផ្សារល្អជាមួយនឹងការលក់ចេញតម្លៃសមរម្យ។ អ្នកស្រី ជួន ម៉ានីតា ម្ចាស់កសិដ្ឋានចិញ្ចឹមជ្រូកកណ្តុរនៅខេត្តមណ្ឌលគិរី បានថ្លែងប្រាប់ថា តម្រូវការជ្រូកកណ្តុរកំពុងមានទីផ្សារខ្ពស់ និងមានការបញ្ជាទិញជារៀងរាល់ថ្ងៃជាមួយតម្លៃលក់ចេញបានសមរម្យ។ បច្ចុប្បន្ន កសិដ្ឋានអ្នកស្រីមានជ្រូកសរុបជាង៣០០ក្បាល ក្នុងនោះមានបាកាត់ជ្រូកព្រៃ២ក្បាល បាជ្រូកធម្មតា២ក្បាល មេជ្រូកជាង៦០ក្បាល និងកូនជ្រូកតូចជិត២០០ក្បាល។ សម្រាប់មេជ្រូកនៅក្នុងទ្រុងទាំងអស់នេះ អាចបង្កើតកូនក្នុងមួយឆ្នាំៗគិតជាមធ្យមចន្លោះពី៧០០ដល់ ៨០០ ក្បាលឯណោះ។ អ្នកស្រីនិយាយថា៖ «កូនជ្រូកកណ្ដុរទាំងអស់នោះ មានទីផ្សាខ្ពស់ និងមានការគាំទ្រខ្លាំង មានការបញ្ជាទិញជាហូរហែជាប្រចាំមិនថាបរិភោគប្រចាំថ្ងៃ ឬសម្រាប់ពិធីបុណ្យផ្សេងៗ»។ #mondulkiri #kampucheathmeytv Follow Kampuchea Thmey TV for more: Facebook:   / kptdaily   Telegram: https://t.me/kampucheathmeytv Tiktok:   / kampuchea_thmey_daily