القصيدة الحاصلة على الكرت الذهبي من اللجنه 🥇للشاعر عمر الهيت المطيري في شاعر الرايه

‏على متن السحابه لاعب شعوري هبوب النود ‏تسيّدت السماا ماني بـ غابط راقي المشراف ‏ماعشت من الضما طارد سراب ولا رجيت عدود ‏لا ياملح البحر ،، وانا احصر الغيمه بـ وزن وقاف ‏احسب ان الخيال ابلغ شعر يالواقع المقصود ‏قبل لا تسمعينه ويتلقى اعجاب واستلطاف ‏سقيتك عذب شعري واستوى طلحك المنضود ‏من الأنصاف بـ انك ما تمدين الحلول انصاف ‏خلافي حذف عذال الهوى عشاقة المنقود ‏والى من صارو خلاافي .. مشيت ولا علي اخلاف ‏تسابق لهفتي ، سااقي على درب اللقى الموعود ‏احجبك في عيوني // وافتضحني قلبي الشفاف ‏رقبتك والجفى عوق المشاعر والوصل محمود ‏تعاالي عن قناعه لا تجيبك نظرة استعطاف ! ‏لا ياخذك الكبر مني ،، اماانه يا اخر العنقود ‏وانا لي قلب ما يقوى الفراق .. وصاادق الميلاف ‏تحن المزن / وتلوح البروق / ويدرج القرهود ‏وتحيا الارض والفرحه على اطراف الشجر تنشاف ‏تروف النود لا تكسر نساايمها ، نحيل العود ‏يا لله العجب وشلووون قلبك قاسيٍّ ما راف !؟ ‏يا سلطانة سباا ماهو بـ انا سليمان ابن داوود ‏تدف الريح عرشك كل ما عزّمتي المنكاف ‏تماادي وان نويتي ذبحتي ، مال البرا مردود ‏تحلووويت المنيّه واحتضنت السيف والسيّاف الشاعر عمر مرزوق الهيت المطيري مطير علوى جبلان الجبلي مزيد الوسمي عبدالعزيز العبلان شيلة شيلات شاعر الراية شاعر الرايه شعار الكويت