འཇམ་དབྱངས་ཆོས་སྐོར་གྱི་གསུང་ཆོས་སྦྱིན་བདག་རྣམས་ནས་བརྟན་བཞུགས་བསྟར་འབུལ། ༼ཉིན་གསུམ་པ།༽

༄༅། །ཕྱི་ལོ་ ༢༠༡༨ ཟླ་ ༡༢ ཚེས་ ༢༨ ནས་ ༣༡ བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་གནས་མཆོག་རྡོ་རྗེ་གདན་དུ་ཉེ་བརྒྱུད་འཇམ་དབྱངས་ཆོས་སྐོར་གྱི་བཀའ་ཆོས་སྩལ་བ་ལས། ཚེས་༢༨ ཉིན་འཇམ་དབྱངས་དཔའ་གཅིག། འཇམ་དབྱངས་ལུས་དཀྱིལ། འཇམ་དབྱངས་གསང་སྒྲུབ་བཅས་ཀྱི་རྗེས་གནང་དང་། ཚེས་ ༣༠ ཉིན་བདེ་མཆོག་ཚེ་ལྷ་དཀར་པོའི་རྗེས་གནང་། ཚེས་ ༣༡ ཉིན་དབུས་བོད་མིའི་སྒྲིག་འཛུགས་དང་། སྐུ་བཅར་རྣམ་རྒྱལ་གྲྭ་ཚང་། ཤེལ་དཀར་མངའ་ཞབས་བཅས་ལྷ་མི་ཟུང་འབྲེལ་གྱིས་སྒྲོལ་དཀར་ཡིད་བཞིན་འཁོར་ལོའི་ཆོ་གའི་སྒོ་ནས་བརྟན་བཞུགས་བསྟར་འབུལ་ཞུས།